[1787] Purisā te mahārāja manasānuvicintitā
nālaṁ dukkhā pamocetuṁ tasmā tesaṁ na byāhariṁ.

[1788] Tvañca kho me mahārāja manasānuvicintito
alaṁ dukkhā pamocetuṁ tasmā tuyhaṁ pavedayiṁ.

[1789] Tassādāsi pasannacitto kāsīnaṁ raṭṭhavaḍḍhano
jātarūpamaye nikkhe suvaṇṇassa catuddasāti.
Dūtajātakaṁ pañcamaṁ.
-------
1 Sī. Yu. nāyaṁ nīti mayha sukhāgamāya.
6 Kāliṅgabodhijātakaṁ

[1790] Rājā kāliṅgo cakkavatti dhammena paṭhavimanusāsi 1
agamāsi 2 bodhisamīpaṁ nāgena mahānubhāvena.

[1791] Kāliṅgo bhāradvājo ca rājānaṁ kāliṅgaṁ samaṇakolaññaṁ
cakkavattayato pariggahetvā 3 pañjalī idamavoca.

[1792] Paccoroha mahārāja bhūmibhāgo yathā samaṇugīto 4
idha anadhivarā buddhā abhisambuddhā virocanti.

[1793] Padakkhiṇato āvaṭṭā tiṇalatā asmiṁ bhūmibhāgasmiṁ
paṭhaviyā ayaṁ 5 maṇḍo iti no sutaṁ [6]- mahārāja.

[1794] Sāgarapariyantāya (medaniyā) sabbabhūtadharaṇiyā
paṭhaviyā ayaṁ maṇḍo orohitvā namo karohi.

[1795] Ye te bhavanti nāgā ca abhijātā ca kuñjarā 7
ettāvatā padesaṁ te nāgā nevamupayanti 8 .

[1796] Abhijāto [9]- nāgo kāmaṁ pesehi kuñjaraṁ dantiṁ
ettāvatā padeso ca 10 na sakkā nāgena upagantuṁ 11 .