[1757] Api ce maññatī poso ñāti mitto sakhāti vā
yo pubbe sumano hutvā pacchā sampajjate diso.

[1758] Yasmiṁ mano nivisati avidūre sahāpi so
santikepi hi so dūre yasmā vivasate 3 mano.

[1759] Antopi ce 4 hoti pasannacitto
pāraṁ samuddassa pasannacitto
antopi so hoti paduṭṭhacitto
pāraṁ samuddassa paduṭṭhacitto.

[1760] Saṁvasantā vivasanti ye disā te rathesabha
ārā santo saṁvasanti manasā raṭṭhavaḍḍhana.

[1761] Aticiraṁ nivāsena piyo bhavati appiyo
āmanta kho taṁ gacchāmi 5 purā te homi appiyo 6 .

[1762] Evaṁ ce yācamānānaṁ añjaliṁ nāvabujjhasi
paricārakānaṁ santānaṁ 7 vacanaṁ na karosi no
evantaṁ abhiyācāma puna kayirāsi pariyāyaṁ.

[1763] Evaṁ ce no viharataṁ antarāyo na hessati
1 Ma. pissāmi. Sī. Yu. pāyāmi. 2 Sī. Yu. sakuntānañca. 3 Ma. yasmiṁ
nāvisate. 4 Ma. so. 5 Ma. gacchāMa. 6 Ma. homa appiyā.
7 Ma. sataṁ. Yu. sattānaṁ.
Tuyhaṁ vāpi 1 mahārāja mayhaṁ vā 2 raṭṭhavaḍḍhana
appevanāma passema ahorattānamaccayeti.
Javanahaṁsajātakaṁ tatiyaṁ.
---------
4 Cullanāradakassapajātakaṁ 3

[1764] Na te kaṭṭhāni bhinnāni na te udakamābhataṁ
aggipi te na hāsito 4 kinnu mandova jhāyasi.

[1765] Na ussahe vane vatthuṁ kassapāmantayāmi taṁ
dukkho vāso araññasmiṁ raṭṭhaṁ icchāmi gantave.

[1766] Yathā ahaṁ ito gantvā yasmiṁ janapade vasaṁ
ācāraṁ brahme sikkheyya taṁ dhammaṁ anusāsa maṁ.