[1737] Bālassa muḷhassa akataññuno ca
musā bhaṇantassa asaññatassa
mante mayaṁ tādisake na dema
kuto mantā gaccha na mayhaṁ ruccasīti.
Ambajātakaṁ paṭhamaṁ.
--------
1 Ma. punappadāhi. Sī. Yu. punappasīda. 2 Ma. mantaṁ. 3 Ma. asaṁsiṁ.
4 Ma. yo. 5 Sī. kicchā laddhaṁ jivikaṁ appañño. ma kiñcāpi laddhā jīvituṁ.
appañño. Yu. kacchāpi laddhā jīvikaṁ appañña.
2 Phandanajātakaṁ

[1738] Kuṭhārihattho puriso vanamoggayha tiṭṭhasi
puṭṭho me samma akkhāhi kiṁ dāruṁ chetumicchasi.

[1739] Īso 1 vanāni carasi samāni visamāni ca
puṭṭho me samma akkhāhi kiṁ dāruṁ nemiyā daḷhaṁ.

[1740] Neva sālo na khadiro nāssakaṇṇo kuto dhavo
rukkho ca 2 phandano nāma taṁ dāruṁ nemiyā daḷhaṁ.

[1741] Kīdisānissa pattāni khandho vā pana kīdiso
puṭṭho me samma akkhāhi yathā jānemu phandanaṁ.

[1742] Yassa sākhā palambanti namanti na ca bhañjare
so rukkho phandano nāma yassa mūle ahaṁ ṭhito.

[1743] Arānaṁ cakkanābhīnaṁ īsānemirathassa ca
sabbassa te kammaniyo ayaṁ hessati phandano.

[1744] Iti phandanarukkhopi devatā 3 ajjhabhāsatha
mayhampi vacanaṁ atthi bhāradvāja suṇohi me.

[1745] Imassa 4 upakkhandhamhā ukkacca caturaṅgulaṁ
tena nemiṁ pariharesi 5 evaṁ daḷhataraṁ siyā.

[1746] Iti phandanarukkhopi veraṁ kappesi devatā 6
jātānañca ajātānaṁ īsānaṁ dukkhamāvahi.