[1727] Nakkhattayogaṁ na pure abhāṇi
khaṇaṁ muhuttaṁ na pure asaṁsi
athāhari ambaphalaṁ pahutaṁ 3
vaṇṇena gandhena rasenupetaṁ.

[1728] Mantābhijappena purepi 4 tuyhaṁ
dumapphalā pātubhavanti brahme
svājja na vādesi 5 jappampi mantaṁ 6
ayaṁ so ko nāma tavajja dhammo.
1 Sī. Yu. khaṇaṁ muhuttaṁ na maṁ tosayanti. 2 Sī. Yu. athāharissambaphalaṁ pahūtaṁ.
3 Ma. sayaṁ harī ambaphalaṁ pahūtaṁ. 4 Ma. pure hi. Sī. Yu. purassa.
5 Sī. Ma. pāresi. 6 Sī. Yu. japampi mante.

[1729] Caṇḍālaputto mama sampadāsi
dhammena mante pakatiñca saṁsi
mā cassu me pucchito nāmagottaṁ
guyhittho mā taṁ vijaheyyu mantā 1 .

[1730] Sohaṁ janindena janamhi puṭṭho
makkhābhibhūto alikaṁ abhāṇiṁ
mantā ime brāhmaṇassāti micchā
pahīnamanto kapaṇo rudāmi.

[1731] Eraṇḍā pucimandā vā atha vā pālibhaddakā
madhuṁ madhutthiko vinde so hi tassa dumuttamo.

[1732] Khattiyā brāhmaṇā vessā suddā caṇḍālapukkusā
yamhā dhammaṁ vijāneyya so hi tassa naruttamo.

[1733] Imassa daṇḍañca vadhañca datvā
gale gahetvā balayātha 2 jammaṁ
yo uttamatthaṁ kasirena laddhaṁ
mānātimānena vināsayittha.

[1734] Yathā samaṁ maññamāno pateyya
sobbhaṁ guhaṁ narakaṁ pūtipādaṁ
rajjūti vā akkame kaṇhasappaṁ
1 Ma. atthaṁ vijaheyya manto. 2 Ma. khalayātha.
Andho yathā jotimadhiṭṭhaheyya
evampi tvaṁ maṁ khalitaṁ sapañña
pahīnamantassa puna sampadāhi 1 .

[1735] Dhammena mante 2 tava sampadāsiṁ
tvampi dhammena pariggahesi
pakatimpi te attamano asaṁsi 3
dhamme ṭhitaṁ taṁ na jaheyya manto.

[1736] So 4 bāla mantaṁ kasirena laddhaṁ
yaṁ dullabhaṁ ajja manussaloke
kicchā laddhaṁ jīvitaṁ appapañño 5
vināsayī alikaṁ bhāsamāno.