[1707] Nāgo jātabalo tattha thāmavā girisānujo
paccuggahi maṁ bhogehi tenāhaṁ tattha nāmariṁ.

[1708] Ehi taṁ paṭinessāmi rājaputta sakaṁ gharaṁ
rajjaṁ kārehi bhaddante kiṁ araññe karissasi.

[1709] Yathā gilitvā balisaṁ uddhareyya salohitaṁ
uddharitvā sukhī assa evaṁ passāmi attanā 5 .

[1710] Kiṁ nu tvaṁ balisaṁ brūsi kiṁ tvaṁ brūsi salohitaṁ
kiṁ nu tvaṁ ubbhataṁ brūsi taṁ me akkhāhi pucchito.

[1711] Kāmāhaṁ balisaṁ brūmi hatthiassaṁ salohitaṁ
cattāhaṁ ubbhataṁ brūmi evaṁ jānāhi khattiya.
1 Ma. mahante ṭhapetuṁ. 2 Sī. Yu. sabbo ca. 3 Sī. Yu. ekanto.
4 Ma. gacchatha. 5 Ma. attānaṁ. Yu. attani.

[1712] Ciñcamāṇavikā mātā devadatto ca me pitā
ānando paṇḍito nāgo sārīputto ca devatā
ahaṁ tadā rājaputto 1 evaṁ dhāretha jātakanti.
Mahāpadumajātakaṁ navamaṁ.
---------
10 Mittāmittajātakaṁ

[1713] Kāni kammāni kubbānaṁ kathaṁ viññū parakkame
amittaṁ jāneyya medhāvī disvā sutvā ca paṇḍito.

[1714] Na naṁ umhayate disvā na ca naṁ paṭinandati
cakkhūnissa 2 na dadāti paṭilomañca vattati.

[1715] Amitte tassa bhajati mitte tassa na sevati
vaṇṇakāme nivāreti akkosante pasaṁsati.

[1716] Guyhañca tassa nakkhāti tassa guyhaṁ na gūhati
kammaṁ tassa na vaṇṇeti paññassa nappasaṁsati.