[1687] Yadi me ajja pātarāsakāle
pañhaṁ na sakkuṇātha 2 vattumetaṁ
raṭṭhā pabbājayissāmi vo sabbe
na hi mamattho duppaññajātikehi.

[1688] Mahājanasamāgamamhi ghore
janakolāhalasaṅgamamhi jāte
vikkhittamanā anekacittā
pañhaṁ na sakkuṇoma vattumetaṁ.

[1689] Ekaggacittāva ekamekā
rahasi gatā atthāni cintayitvā 3
paviveke sammasitvāna dhīrā
atha vakkhanti janinda etamatthaṁ.

[1690] Uggaputtarājaputtiyānaṁ
urabbhamaṁsaṁ piyaṁ manāpaṁ
na te sunakhassa adenti maṁsaṁ
1 Ma. sakhyaṁ. Sī. Yu. sakkhiṁ. 2 Ma. sakkuṇeyyātha. 3 Ma. atthaṁ nicintayitvā.
Atha meṇḍassa suṇena sakhyamassa.

[1691] Cammaṁ vihananti eḷakassa
assapiṭṭhattharaṇaṁ sukhassa 1 hetu
na ca te sunakhassa attharanti
atha meṇḍassa suṇena sakhyamassa.

[1692] Āvellitasiṅgiko hi meṇḍo
na ca sunakhassa visāṇakāni atthi
tiṇabhakkho maṁsabhojano ca
atha meṇḍassa suṇena sakhyamassa.

[1693] Tiṇamāsi palāsamāsi meṇḍo
na ca suṇo tiṇamāsi no palāsaṁ
gaṇheyya sunakho sasaṁ biḷāraṁ
atha meṇḍassa suṇena sakhyamassa.

[1694] Aṭṭhaḍḍhapādo catuppadassa
meṇḍo aṭṭhanakho adissamāno
chādiyaṁ āharati ayaṁ imassa
maṁsaṁ āharati ayaṁ amussa.

[1695] Pāsādavaragato videhaseṭṭho
vītihāraṁ aññoññabhojanānaṁ 2
addasa 3 kira sakkhitaṁ janindo
1 Ma. assapiṭṭhattharassukhassa. 2 Ma. aññamaññabhojanaṁ. 3 Ma. adakkhi.
Bubhukkassa puṇṇamukhassa cetaṁ.

[1696] Lābhā vata me anapparūpā
yassa me īdisā 1 paṇḍitā kulamhi
pañhassa gambhīragataṁ nipuṇamatthaṁ
paṭivijjhanti subhāsitena dhīrā.