[1677] Sarañca juhati poso bahukāya gayāya ca
doṇe timbarutitthasmiṁ sīghasote mahāvahe.
Atra cassa hutaṁ hoti atra cassa samīhitaṁ
atithismiṁ yo nisinnasmiṁ neko bhuñjati bhojanaṁ.
Taṁ taṁ vadāmi kosiya dehi dānāni bhuñja ca
1 Ma. ca atthi.
Ariyamaggaṁ samārūha nekāsī labhate sukhaṁ.

[1678] Balisaṁ hi so nigilati 1 dīghasuttaṁ sabandhanaṁ
atithismiṁ yo nisinnasmiṁ eko bhuñjati bhojanaṁ.
Taṁ taṁ vadāmi kosiya dehi dānāni bhuñja ca
ariyamaggaṁ samārūha nekāsī labhate sukhaṁ.

[1679] Uḷāravaṇṇā vata brāhmaṇā ime
ayañca vo sunakho kissa hetu
uccāvacaṁ vaṇṇanibhaṁ vikubbati
akkhātha no brāhmaṇā ke nu tumhe.

[1680] Cando ca suriyo ca ubho idhāgatā
ayaṁ pana mātali devasārathi
sakkohamasmi tidasānamindo
eso ca kho pañcasikhoti vuccati.

[1681] Pāṇissarā mudiṅgā 2 ca murajālambarāni ca
suttamenaṁ pabodhenti paṭibuddho ca nandati.

[1682] Yekecime maccharino kadariyā
paribhāsakā samaṇabrāhmaṇānaṁ
idheva nikkhippa sarīradehaṁ
kāyassa bhedā nirayaṁ vajanti.

[1683] Yekecime suggatimāsamānā 3
1 Sī. Yu. niggilati. 2 Sī. Yu. mutiṅgā ca. 3 Sī. Yu. suggatimāsasānā.
Dhamme ṭhitā saṁyame saṁvibhāge
idheva nikkhippa sarīradehaṁ
kāyassa bhedā sugatiṁ vajanti.

[1684] Tvaṁ no 1 ñāti purimāsu jātisu
so maccharī kosiyo 2 pāpadhammo
taveva atthāya idhāgatamhā
mā pāpadhammo nirayaṁ apattha 3 .

[1685] Addhā hi me te 4 hitakāmā yaṁ maṁ samanusāsatha
sohaṁ tathā karissāmi sabbaṁ vuttaṁ hitesibhi.
Esohamajjeva uparamāmi 5
na cāpihaṁ kiñci kareyya pāpaṁ
na cāpi me kiñci adeyyamatthi
na cāpidatvā udakaṁ pivāmi 6 .
Evañca me dadato sabbakālaṁ
bhogā idha 7 vāsava khīyissanti
tato ahaṁ pabbajissāmi sakka
hitvāna kāmāni yathodhikānīti.
Kosiyajātakaṁ sattamaṁ.
--------
1 Ma. nosi. 2 Ma. rosako. 3 Ma. gamittha. 4 Ma. maṁ vo.
5 Ma. esāhamajjeva upāramāmi. 6 Sī. ukampahaṁ pibe. 7 Ma. ime.
8 Meṇḍakapañhājātakaṁ

[1686] Yesaṁ na kadāci bhūtapubbaṁ
sakhi 1 sattapadampi imasmiṁ loke
jātā amittā dve sahāyā
paṭisanthāya caranti kissa hetu.