[1697] Assatarīrathañca ekamekaṁ
phītaṁ gāmavarañca ekamekaṁ
sabbesaṁ vo dammi paṇḍitānaṁ
paramappatītamano subhāsitenāti.
Meṇḍakapañhājātakaṁ aṭṭhamaṁ.
-----------
9 Mahāpadumajātakaṁ

[1698] Nādiṭṭhā 2 parato dosaṁ aṇuṁthūlāni sabbaso
issaro paṇaye daṇḍaṁ sāmaṁ appaṭivekkhiya.

[1699] Yo ca appaṭivekkhitvā daṇḍaṁ kubbati khattiyo
sakaṇṭakaṁ so gilati jaccandhova samakkhikaṁ.

[1700] Adaṇḍiyaṁ daṇḍiyati 3 daṇḍiyañca adaṇḍiyaṁ
andhova visamaṁ maggaṁ na jānāti samāsamaṁ.

[1701] Yo ca etāni ṭhānāni aṇuṁthūlāni sabbaso
sudiṭṭhamanusāseyya save voharitumarahati.
1 Ma. medisā. 2 Ma. nādaṭṭhā. 3 Ma. ḍaṇḍayati.

[1702] Nekantamudunā sakkā ekantatikhiṇena vā
attaṁ mahatte ṭhāpetuṁ 1 tasmā ubhayamācare.

[1703] Paribhūto mudu hoti atitikkho ca veravā
etañca ubhayaṁ ñatvā anumajjhaṁ samācare.

[1704] Bahumpi ratto bhāseyya duṭṭhopi bahu bhāsati
na itthīkāraṇā rāja puttaṁ ghātetumarahasi.

[1705] Sabbova 2 loko ekato 3 itthī ca ayamekikā
tenāhaṁ paṭipajjissaṁ gaccha 4 pakkhipatheva naṁ.

[1706] Anekatāle narake gambhīre ca duruttare
pātito giriduggasmiṁ kena tvaṁ tattha nāmari.