[1717] Abhave nandati tassa bhave tassa na nandati
acchariyaṁ 3 bhojanaṁ laddhā tassa nuppajjate sati
tato naṁ nānukampati ahāsopi 4 labheyyito.

[1718] Iccete soḷasākārā amittasmiṁ patiṭṭhitā
yehi amittaṁ jāneyya disvā sutvā ca paṇḍito.

[1719] Kāni kammāni kubbānaṁ kathaṁ viññū parakkame
1 Ma. rājaptto ahaṁ āsiṁ. 2 Ma. cakkhūni cassa. 3 Ma. accheraṁ.
4 Ma. aho sopi.
Mittaṁ jāneyya medhāvī disvā sutvā ca paṇḍito.

[1720] Pavutthañcassa 1 sarati āgataṁ abhinandati
tato kelāyiko hoti vācāya paṭinandati.

[1721] Mitte tasseva bhajati amitte tassa na sevati
akkosante nivāreti vaṇṇakāme pasaṁsati.

[1722] Guyhañca tassa akkhāti tassa guyhañca gūhati
kammañca tassa vaṇṇeti paññamassa 2 pasaṁsati.

[1723] Bhave ca nandati tassa abhave tassa na nandati
acchariyaṁ bhojanaṁ laddhā tassa uppajjate sati
tato naṁ anukampati pahāsopi 3 labheyyito.

[1724] Iccete soḷasākārā mittasmiṁ supatiṭṭhitā
yehi mittañca jāneyya 4 disvā sutvā ca paṇḍitoti.
Mittāmittajātakaṁ dasamaṁ.
-----------
Tassuddānaṁ
lahucitta sasāla kasanti puna
atha kāma dasakhaluṭṭhānavaro
atha kaṇha sukosiya meṇḍavaro
padumo puna mittavarena dasa.
Dvādasanipātaṁ niṭṭhitaṁ.
1 Ma. pavutthaṁ tassa. 2 Ma. paññaṁ tassa. 3 Ma. aho sopi.
4 Yu. - mittaṁ sujāneyya.
Terasanipātajātakaṁ
1 ambajātakaṁ

[1725] Ahāsi me ambaphalāni pubbe
aṇūni thūlāni ca brahmacārī
teheva mantehi nadāni tuyhaṁ
dumapphalā pātubhavanti brahme.

[1726] Nakkhattayogaṁ paṭimānayāmi
khaṇaṁ muhuttañca mantena passaṁ 1
nakkhattayogañca khaṇañca laddhā
addhā harissambaphalaṁ bahukaṁ 2 .