[1747] Iccevaṁ 7 phandano īsaṁ īso ca pana phandanaṁ
1 Ma. sabbattha isso. Sī. iso. 2 Sī. Yu. rukkhova. 3 Ma. tāvade.
4 Ma. issassa. 5 Ma. pasāresi. 6 Ma. appesi tāvade. 7 Sī. Yu. icceva.
Aññamaññaṁ vivādena aññamaññamaghātayuṁ.

[1748] Evameva manussesu 1 vivādo yattha jāyati
mayūranaccaṁ naccanti yathā te īsaphandanā.

[1749] Taṁ vo vadāmi bhaddaṁ vo yāvantettha samāgatā
sammodatha mā vivadittha 2 mā hotha īsaphandanā.

[1750] Sāmagyameva 3 sikkhetha buddhehetaṁ pasaṁsitaṁ
sāmagyarato 4 dhammaṭṭho yogakkhemā na dhaṁsatīti.
Phandanajātakaṁ dutiyaṁ.
--------
3 Javanahaṁsajātakaṁ

[1751] Idheva haṁsa nipata piyaṁ me tava dassanaṁ
issarosi anuppatto yaṁ idhatthi pavedaya.

[1752] Savanena ekassa piyā bhavanti
disvā panekassa vineti 5 chando
disvā ca sutvā ca piyā bhavanti
kacci nu kho me piyasi dassanena.

[1753] Savanena piyo mesi bhiyyo cāgamma dassanaṁ
evaṁ piyadassano samāno 6 vasa haṁsa mama santike 7 .

[1754] Vaseyyāma tavāgāre niccaṁ sakkatapūjitā
matto ca ekadā majjaṁ 8 haṁsarājaṁ pacantu me.
1 Ma. manussānaṁ. 2 Ma. vivadatha. 3 Ma. sāmaggimeva 4 Ma. sāmaggirato.
5 Ma. viyeti. Yu. viheti. 6 Ma. me. 7 ma - mamantike. 8 Ma. vajje. Sī. Yu. vajjā.

[1755] Dhiratthu taṁ majjapānaṁ yaṁ me piyataraṁ tayā
na cāpi majjaṁ pivissāmi 1 yāva me vacchasī ghare.

[1756] Suvijānaṁ sigālānaṁ sakuṇānañca 2 vassitaṁ.
Manussavassitaṁ rāja dubbijānataraṁ tato.