[1627] Na jātayaṁ 2 sāgaravārivego
uplāvassaṁ 3 dīpamimaṁ uḷāraṁ
taṁ me nimittehi bahūhi diṭṭhaṁ
mā bhetha kiṁ socatha modathavho.

[1628] Pahūtabhakkhaṁ bahuannapānaṁ
pattattha āvāsamimaṁ uḷāraṁ
na vo bhayaṁ paṭipassāmi kiñci
āputtaputtehi pamodathavho.

[1629] Yodevāyaṁ 4 dakkhiṇāyaṁ disāyaṁ
khemaṁ paṭikkosati 5 tassa saccaṁ
na uttaro vedi bhayābhayassa
mā bhetha kiṁ socatha modathavho.

[1630] Yathā ime vippavadanti yakkhā
eko bhayaṁ saṁsati khemameko
tadiṅgha mayhaṁ vacanaṁ suṇātha
1 upāvasantipi. Sī. upalāpayaṁ. Ma. uplavissaṁ. 2 Ma. jātuyaṁ. 3 Sī.
uppāṭaye. Ma. uplavissaṁ. 4 yo te ayantipi. 5 Ma. khemanti pakkosati.
Khippaṁ lahuṁ mā vinasimha 1 sabbe.

[1631] Sabbe samāgamma karoma nāvaṁ
doṇiṁ daḷhaṁ sabbayantūpapannaṁ
sace ayaṁ dakkhiṇo saccamāha
moghaṁ paṭikkosati uttaroyaṁ.

[1632] Sā ceva no hohiti āpadatthā
imañca dīpaṁ na pariccajema
sace ca kho uttaro saccamāha
moghaṁ paṭikkosati dakkhiṇoyaṁ.

[1633] Tameva nāvaṁ abhiruyha sabbe
evaṁ mayaṁ sotthi taremu pāraṁ
na ve sugaṇhaṁ paṭhamena seṭṭhaṁ
kaniṭṭhamāpāthagataṁ gahetvā
yo cīdha majjhaṁ 2 paviceyya gaṇhati
save naro seṭṭhamupeti ṭhānaṁ.

[1634] Yathāpi te sāgaravārimajjhe
sakammunā sotthi vahiṁsu vāṇijā
anāgatatthaṁ paṭivijjhiyāna
appampi nācceti ca 3 bhūripañño.
1 Ma. vinassimha. 2 Ma. tacchaṁ. 3 Ma. sa..

[1635] Bālā ca mohena rasānugiddhā
anāgataṁ appaṭivijjhiyatthaṁ
paccuppanne sīdanti atthajāte
samuddamajjhe yathā te manussā.

[1636] Anāgataṁ paṭikayirātha kiccaṁ
mā maṁ kiccaṁ kiccakāle byadhesi
taṁ tādisaṁ paṭikatakiccakāriṁ
na taṁ kiccaṁ kiccakāle byadhesīti.
Samuddavāṇijajātakaṁ tatiyaṁ.
----------
4 Kāmajātakaṁ