[1647] Na me attho sahassehi satehi nahutehi vā
pacchimaṁ bhāsato gāthaṁ kāme me nirato mano.

[1648] Bhadrako vatāyaṁ māṇavako sabbalokavidū muni
1 Ma. patthayetha. 2 Ma. kāmānaṁ. 3 Ma. cajati.
Yo [1]- taṇhaṁ dukkhajananiṁ parijānāti paṇḍitoti.
Kāmajātakaṁ catutthaṁ.
---------
5 Janasandhajātakaṁ

[1649] Dasa khalumāni 2 ṭhānāni yāni pubbe akaritvā
sa pacchā anutappati iccāha rājā janasandho 3 .

[1650] Aladdhā vittaṁ 4 tapati pubbe asamudānitaṁ
na pubbe dhanamesissaṁ iti pacchānutappati.

[1651] Sakyarūpaṁ pure santaṁ mayā sippaṁ na sikkhitaṁ
kicchā vutti asippassa iti pacchānutappati.

[1652] Kūṭavedī pure āsiṁ pisuṇo piṭṭhimaṁsiko
caṇḍo ca pharuso cāsiṁ 5 iti pacchānutappati.

[1653] Pāṇātipātī pure āsiṁ luddo cāpi anāriyo
bhūtānaṁ nāpacāyissaṁ iti pacchānutappati.

[1654] Bahūsu vata santīsu anāpadāsu itthisu
paradāraṁ āsevissaṁ iti pacchānutappati.

[1655] Bahumhi vata santamhi annapāne upaṭṭhite
na pubbe adadaṁ dānaṁ iti pacchānutappati.

[1656] Mātaraṁ pitaraṁ cāpi jiṇṇake gatayobbane 6
1 Ma. imaṁ. 2 Ma. khalu imāni. 3 Ma. iccevāha janasandho. 4 cittantipi
pāṭho. 5 Ma. cāpi. 6 Ma.jiṇṇakaṁ gatayobbanaṁ. evamuparipi.
Pahusanto na posissaṁ iti pacchānutappati.