[1617] Pāsādaṁ kārayissāmi ekathambhaṁ manoramaṁ
tattha taṁ upanessāmi cirante yakkha jīvitaṁ.

[1618] Evaṁ cittaṁ udapādi sarīrena vinābhāvo
puthuso maṁ vikantetvā khaṇḍaso avakantatha.
1 Sī. Yu. vehāsayaṁ. 2 Ma. taṁ ivāhaṁ.

[1619] Agge ca chetvā majjhe ca pacchā mūlamhi chindatha 1
evaṁ me chijjamānassa na dukkhaṁ maraṇaṁ siyā.

[1620] Hatthapādaṁ yathā chinde kaṇṇanāsañca jīvato
tato pacchā siro chinde taṁ dukkhaṁ maraṇaṁ siyā.

[1621] Sukhaṁ nu khaṇḍaso chindaṁ 2 bhaddasāla vanappati
kiṁ hetu kiṁ upādāya khaṇḍaso chindamicchasi.

[1622] Yañca hetuṁ upādāya hetudhammūpasañhitaṁ
khaṇḍaso chindamicchāmi mahārāja suṇohi me.

[1623] Ñāti me sukhasaṁvaḍḍhā mama passe nivātajā
tepihaṁ upahiṁseyyaṁ paresaṁ asukhocitaṁ.

[1624] Ceteyyarūpaṁ 3 cetesi bhaddasāla vanappati
hitakāmosi ñātīnaṁ abhayaṁ samma dammi teti.
Bhaddasālajātakaṁ dutiyaṁ.
---------
3 Samuddavāṇijajātakaṁ

[1625] Kasanti vapanti te janā
manujā kammaphalūpajīvino
nayimassa dīpakassa bhāgino
jambūdīpā idameva no varaṁ.

[1626] Tipañcarattūpagatamhi cande
1 si. mūlañca chindatha. Yu. mūlaṁ vichindatha. 2 Ma. chinnaṁ.
3 Sī. Yu. cetabbarūpaṁ.
Vego mahā hehiti sāgarassa
uplāvassaṁ 1 dīpamimaṁ uḷāraṁ
mā vo vadhi gacchatha leṇamaññaṁ.