[1597] Bharukacchā payātānaṁ vāṇijānaṁ dhanesinaṁ
nāvāya vippanaṭṭhāya naḷamālīti vuccati.

[1598] Mahabbhayo bhiṁsanako saddo suyyati mānuso
1 Ma. krukacchā. evamuparipi. 2 Ma. yathā aggīva suriyova.
Yathā sobbho papātova samuddo paṭidissati
suppārakantaṁ pucchāma samuddo katamo ayaṁ.

[1599] Bharukacchā payātānaṁ vāṇijānaṁ dhanesinaṁ
nāvāya vippanaṭṭhāya balavāmukhīti 1 vuccati.

[1600] Yato sarāmi attānaṁ yato pattosmi viññutaṁ
nābhijānāmi sañcicca ekapāṇampi hiṁsitaṁ
etena saccavajjena sotthiṁ nāvā nivattatūti.
Suppārakajātakaṁ navamaṁ.
---------
Tassuddānaṁ
siri mātusuposakanāgavaro
puna juṇhaka dhammamudayavaro
atha pānīya yudhañjayako ca
dasaratha saṁvara pāragatena nava.
Ekādasanipātaṁ niṭṭhitaṁ.
---------
1 Ma. baḷavāmukhīti. Sī. Yu. vaḷabhāmakhīti.
Dvādasanipātajātakaṁ
1 cullakuṇālajātakaṁ

[1601] Khuddānaṁ 1 lahucittānaṁ akataññūna dubbhinaṁ
nādevasatto puriso thīnaṁ saddhātumarahati.

[1602] Na tā pajānanti kataṁ na kiccaṁ
na mātaraṁ pitaraṁ bhātaraṁ vā
anariyā samatikkantadhammā
sasseva cittassa vasaṁ vajanti.

[1603] Cirānuvuṭṭhampi piyaṁ manāpaṁ
anukampakaṁ pāṇasamampi santaṁ 2
āvāsu kiccesu ca naṁ jahanti
tasmāhaṁ itthīnaṁ na vissasāmi.

[1604] Thīnañhi cittaṁ yathā vānarassa
kannappakannaṁ yathā rukkhachāyā
calācalaṁ hadayaṁ itthiyānaṁ
cakkassa nemi viya parivattati.

[1605] Yadā tā passanti samekkhamānā
ādeyyarūpaṁ purisassa vittaṁ
saṇhāhi vācāhi nayantimenaṁ
1 Ma. luddhānaṁ. 2 Ma. bhattuṁ.
Kambojakā jalajeneva assaṁ.

[1606] Yadā na passanti samekkhamānā
ādeyyarūpaṁ purisassa vittaṁ
samantato naṁ parivajjayanti
tiṇṇo nadīpāragatova kullaṁ.