[1537] Anusāsasi maṁ yakkha yathā mātā yathā pitā
uḷāravaṇṇa pucchāmi ko nu tvamasi subrahā.

[1538] Udayohamasmi kalyāṇi saṅkaratthāyidhāgato 1
āmanta kho taṁ gacchāmi muttosmi tava saṅkarā.

[1539] Sace kho tvaṁ udayosi saṅkaratthāyidhāgato 1
anusāsa maṁ rājaputta yathāssa puna saṅgamo.

[1540] Atipatati 2 vayo khaṇo tatheva
ṭhānaṁ natthi dhuvaṁ cavanti sattā
parijīyati adhuvaṁ sarīraṁ
1 Ma. saṅkarattā idhāgato. Sī. Yu. saṅkaratthā idhāgato. 2 Sī. Yu. adhipatatī.
Udaye mā pamāda carassu dhammaṁ.
Kasiṇā paṭhavī dhanassa pūrā
ekasseva siyā anaññadheyyā
taṁ vāpi jahāti 1 avītarāgo
udaye mā pamāda carassu dhammaṁ.
Mātā pitā ca bhātaro ca bhaginī
bhariyā sāmiko sadhanena hoti 2
te vāpi jahanti aññamaññaṁ
udaye mā pamāda carassu dhammaṁ.
Kāyo parabhojananti viditvā 3
saṁsāre sugatī ca duggatī ca 4
ittaravāsoti jānitvā 5
udaye mā pamāda carassu dhammaṁ.

[1541] Sādhu bhāsati 6 yaṁ yakkho appaṁ maccāna jīvitaṁ
kasirañca parittañca tañca dukkhena saṁyutaṁ
sāhaṁ ekā pabbajissāmi hitvā kāsiṁ surundhananti.
Udayajātakaṁ catutthaṁ.
---------
1 Ma. taṁ cāpi jahati. 2 Ma. bhariyā yāpi dhanena hoti kītā. 3 Ma. ñatvā.
4 Ma. ... sugatiñca duggatiñca. 5 Ma. jāniyāna. 6 Sī. Yu. bhāsatayaṁ.
5 Pānīyajātakaṁ

[1542] Mitto mittassa pānīyaṁ adinnaṁ paribhuñjisaṁ
tena pacchā vijigucchiṁ taṁ pāpaṁ pakataṁ mayā
mā puna akaraṁ pāpaṁ tasmā pabbajito ahaṁ.

[1543] Paradārañca disvāna chando me upapajjatha
tena pacchā vijigucchiṁ taṁ pāpaṁ pakataṁ mayā
mā puna akaraṁ pāpaṁ tasmā pabbajito ahaṁ.

[1544] Pitaraṁ me mahārāja corā aggaṇhu kānane
tesāhaṁ pucchito jānaṁ aññathā naṁ viyākariṁ
tena pacchā vijigucchiṁ taṁ pāpaṁ pakataṁ mayā
mā puna akaraṁ pāpaṁ tasmā pabbajito ahaṁ.

[1545] Pāṇātipātamakaruṁ somayāge upaṭṭhite
tesāhaṁ samanuññāsiṁ
tena pacchā vijigucchiṁ taṁ pāpaṁ pakataṁ mayā
mā puna akaraṁ pāpaṁ tasmā pabbajito ahaṁ.

[1546] Surāmerayamadhukā ye janā paṭhamāsu no
bahunnaṁ te anatthāya majjapānamakappayuṁ
tesāhaṁ samanuññāsiṁ
tena pacchā vijigucchiṁ taṁ pāpaṁ pakataṁ mayā
mā puna akaraṁ pāpaṁ tasmā pabbajito ahaṁ.