[1527] Okiṇṇantaraparikkhaṁ daḷhamaṭṭālakoṭṭhakaṁ
rakkhitaṁ khaggahatthehi duppavesamidaṁ puraṁ.
Daharassa yuvino cāpi āgamo ca na vijjati
atha kena nu vaṇṇena saṅgamaṁ icchase mayā.

[1528] Yakkhohamasmi kalyāṇi āgatosmi tavantike 2
tvaṁ maṁ nandassu 3 bhaddante puṇṇakaṁsaṁ dadāmi te.

[1529] Devaṁ ve yakkhaṁ athavā manussaṁ
na patthaye udayamaticca aññaṁ
gaccheva tvaṁ yakkha mahānubhāva
mā cassu gantvā punarāvajittha.

[1530] Yā sā ratī uttamā kāmabhoginaṁ
yaṁhetu sattā visamaṁ caranti
mā taṁ ratiṁ jīyi tuvaṁ sucimhi te
dadāmi te rūpiyakaṁsapūraṁ.
1 Ma. saññatūrū. 2 Sī. Yu. tavantikaṁ. 3 Ma. nandaya.

[1531] Nāriṁ naro nijjhapayaṁ dhanena
ukkaṁsatī yattha karoti channaṁ 1
vipaccanīko tava devadhammo
paccakkhato thokatarena esi.

[1532] Āyu ca vaṇṇo ca 2 manussaloke
nihiyyati manujānaṁ sugatte
teneva vaṇṇena dhanaṁpi tuyhaṁ
nihiyyati jiṇṇatarāsi ajja.
Evaṁ me pekkhamānassa rājaputti yasassini
hāyate vata te 3 vaṇṇo ahorattānamaccaye
imināva tvaṁ vayasā rājaputti sumedhase
brahmacariyaṁ careyyāsi bhiyyo vaṇṇavatī siyā.

[1533] Devā na jīranti yathā manussā
gattesu tesaṁ valiyo na honti
pucchāmi taṁ yakkha mahānubhāvaṁ 4
kathannu devāna 5 sarīradeho.

[1534] Devā na jīranti yathā manussā
gattesu tesaṁ valiyo na honti
suve suve bhiyyatarova tesaṁ
1 Sī. Ma. chandaṁ. 2 Sī. Yu. āyuṁ ca vaṇṇaṁ ca. 3 Ma. hāyateva tava....
4 Ma. mahānubhāva. 5 Yu. kathaṁ na devānaṁ.
Dibbo ca vaṇṇo vipulā ca bhogā.

[1535] Kiṁsūdha bhītā janatā anekā
maggo ca nekāyatanappavutto
pucchāmi taṁ yakkha mahānubhāva
kattha ṭhito paralokaṁ na bhāye.

[1536] Vācaṁ manañca paṇidhāya sammā
kāyena pāpāni akubbamāno
bahunnapānaṁ gharamāvasanto
saddho mudū saṁvibhāgī vadaññū
saṅgāhako sakhilo saṇhavāco
ettha ṭhito paralokaṁ na bhāye.