[1517] Dhammo have pāturahosi pubbe
1 Ma. tathāhaṁ. 2 Ma. tayāpi. 3 Sī. Yu. dhammajātakaṁ. 4 Ma. sadātthuto.
Pacchā adhammo udapādi loke
jeṭṭho ca seṭṭho ca sanantano ca
uyyāhi jeṭṭhassa kaniṭṭha maggā

[1518] Na yācanāya napi pāṭirūpā
na arahattā 1 tehaṁ dadeyya 2 maggaṁ
yuddhañca no hotu ubhinnamajja
yuddhasmi yo jissati 3 tassa maggo.

[1519] Sabbā disā anuvissaṭohamasmi
mahabbalo amitayaso atulyo
guṇehi sabbehi upetarūpo
dhammo adhamma tvaṁ kathaṁ vijessasi.

[1520] Lohena ve haññati jātarūpaṁ
na jātarūpena hananti lohaṁ
sace adhammo haññati dhammamajja
ayo suvaṇṇaṁ viya dassaneyyaṁ.

[1521] Sace tuvaṁ yuddhabalo adhamma 4
na tuyha vuḍḍhā ca garū ca atthi
maggañca te dammi piyāppiyena
vācāduruttānipi te khamāmi.

[1522] Idañca sutvā vacanaṁ adhammo
1 Ma. arahatā. Sī. Yu. na arahati. 2 Ma. dadeyyaṁ. 3 Ma. jessati.
4 Sī. yuddhabalosidhamma. Yu. yuddhabalosadhamma.
Avaṁsiro patito uddhapādo
yuddhatthikove 1 na labhāmi yuddhaṁ
ettāvatā hoti hato adhammo.

[1523] Khantībalo yuddhabalaṁ vijetvā
hantvā adhammaṁ nihanitva bhūmyā
pāyāsi citto 2 abhiruyha sandanaṁ
maggeneva atibalo saccanikkamo.

[1524] Mātā pitā samaṇabrāhmaṇā ca
asammānitā yassa sake agāre
idheva nikkhippa sarīradehaṁ
kāyassa bhedā nirayaṁ vajanti te
yathā adhammo patito avaṁsiro.

[1525] Mātā pitā samaṇabrāhmaṇā ca
susammānitā yassa sake agāre
idheva nikkhippa sarīradehaṁ
kāyassa bhedā sugatiṁ vajanti te
yathāpi dhammo abhiruyha sandananti.
Dhammadevaputtajātakaṁ tatiyaṁ.
----------
1 Ma. ...ce. 2 Ma. vitto.
4 Udayajātakaṁ

[1526] Ekā nisinnā suci saññatūru 1
pāsādamāruyha aninditaṅgī
yācāmi taṁ kinnaranettacakkhu
imekarattiṁ ubhayo vasema.