[1497] Kānu te sā mahānāga andhā aparināyikā
khāṇuṁ pādena ghaṭṭeti giriṁ caṇḍoraṇaṁ pati.

[1498] Mātā me sā mahārāja andhā aparināyikā
khāṇuṁ pādena ghaṭṭeti giriṁ caṇḍoraṇaṁ pati.

[1499] Muñcathetaṁ mahānāgaṁ yoyaṁ bharati mātaraṁ
1 Ma. sallakī ca kuṭajā ca. 2 Ma. kuruvindukaravīrā tisasāmā ca.
3 Ma. kaṇikārā. 4 Ma. achambhito. 5 Sī. Yu. yāni. 6 Ma. apariṇāyikā.
evamuparipi.
Sametu mātarā nāgo saha sabbehi ñātibhi.

[1500] Muttova bandhanā nāgo kāsirājena pesito 1
muhuttaṁ assasitvāna 2 agamā yena pabbato
tato so nilinaṁ 3 gantvā sītaṁ kuñjarasevitaṁ
soṇḍāya udakamāhitvā mātaraṁ abhisiñcatha.

[1501] Koyaṁ anariyo devo akālena pavassati
gato me atrajo putto yo mayhaṁ paricārako.

[1502] Uṭṭhehi amma kiṁ sesi āgato tyāhamatrajo
muttomhi kāsirājena vedehena yasassinā.

[1503] Ciraṁ jīvatu so rājā kāsīnaṁ raṭṭhavaḍḍhano
yo me puttaṁ pamocesi sadā vuḍḍhāpacāyikanti.
Mātuposakajātakaṁ paṭhamaṁ.
----------
2 Juṇhajātakaṁ

[1504] Suṇohi mayhaṁ vacanaṁ janinda
atthena juṇhamhi idhānupatto
na brāhmaṇe addhike tiṭṭhamāne
gantabbamāhu dvipadānaseṭṭha 4 .
1 Sī. mutto dāmātu kuñjaro. Ma. muttamādāya kuñjaro. 2 Sī. vissamitvāna.
Ma. assāsayitvā. 3 Sī. Ma. naliniṁ. 4 Ma. dvipadinda seṭṭha.

[1505] Suṇomi tiṭṭhāmi vadehi brahme
yenāpi 1 atthena idhānupatto
kaṁ vā tvamatthaṁ mayi patthayāno
idhāgamā brahme tadiṅgha brūhi.

[1506] Dadāhi me gāmavarāni pañca
dāsīsataṁ satta gavaṁsatāni
parosahassañca suvaṇṇanikkhe
bhariyā ca me sādisī dve dadāhi.