[1507] Tapo nu te brāhmaṇa bhiṁsarūpo
mantā nu te brāhmaṇa cittarūpā
yakkhā nu 2 te assavā santi keci
atthaṁ vā me abhijānāsi kattaṁ.

[1508] Na me tapo atthi na cāpi mantā
yakkhāpi me assavā natthi keci
atthaṁpi te nābhijānāmi kattaṁ
pubbeva kho 3 saṅgatimattamāsi.

[1509] Paṭhamaṁ idaṁ dassanaṁ jānato me
na tābhijānāmi ito puratthā
akkhāhi me pucchito etamatthaṁ
kadā kuhiṁ vā ahu saṅgamo no.
1 Ma. yenāsi. 2 Sī. Yu. yakkhāva. 3 Ma. pubbe ca kho.

[1510] Gandhārarājassa puramhi ramme
avasimhase takkasilāya deva
tatthandhakāramhi timissakāyaṁ 1
aṁsena aṁsaṁ samaghaṭṭayimhā
te tattha ṭhatvāna ubho janinda
sārāṇiyaṁ vītisārimha 2 tattha
sāyeva no saṅgatimattamāsi
tato na pacchā na pure kadāci 3 .

[1511] Yadākadāci manujesu brahme
samāgamo sappurisena hoti
na paṇḍitā saṅgatisanthavāni
pubbe kataṁ vāpi vināsayanti.

[1512] Bālā ca kho saṅgatisanthavāni
pubbe kataṁ vāpi vināsayanti
bahuṁpi bālesu kataṁ vinassati
tathāhi bālā akataññurūpā.

[1513] Dhīrā ca kho saṅgatisanthavāni
pubbe kataṁ vāpi na nāsayanti
appaṁpi dhīresu kataṁ na nassati
tathāhi dhīrā sukataññurūpā
1 Ma. timīsikāyaṁ. 2 Ma. vītisārayimha. 3 Ma. ahosi.
Dadāmi te gāmavarāni pañca
dāsīsataṁ satta gavaṁsatāni
parosahassañca suvaṇṇanikkhe
bhariyā ca te sādisī dve dadāmi.

[1514] Evaṁ sataṁ hoti samecca rāja
nakkhattarājāriva tārakānaṁ
āpūratī kāsipatī yathā ahaṁ 1
tayā hi 2 me saṅgamo ajja laddhoti.
Juṇhajātakaṁ dutiyaṁ.
--------
3 Dhammadevaputtajātakaṁ 3

[1515] Yasokaro puññakarohamasmi
sadatthuto 4 samaṇabrāhmaṇānaṁ
maggāraho devamanussapūjito
dhammo ahaṁ dehi adhamma maggaṁ.

[1516] Adhammayānaṁ daḷhamāruhitvā
asantasanto balavāhamasmi
sa kissa hetumhi tavajja dajjaṁ
maggaṁ ahaṁ dhamma adinnapubbaṁ.