[1477] Mittāni ve yassa bhavanti santo
saṁvissatthā avisaṁvādakassa
na mittadubbhī saṁvibhāgī dhanena
mittesu ve sotthānaṁ tadāhu.

[1478] Yassa bhariyā tulyavayā samaggā
anubbatā dhammakāmā pajātā
koliniyā sīlavatī patibbatā
dāresu ve sotthānaṁ tadāhu.

[1479] Yassa rājā bhūtapatī yasassī
jānāti soceyya 4 parakkamañca
advejjhatā suhadayaṁ mamanti
rājūsu ve sotthānaṁ tadāhu.
1 Sī. Yu. sahāyamatte. 2 atthadassītipi pāṭho. 3 Sī. Yu. mutīmā.
4 Ma. soceyyaṁ.

[1480] Annañca pānañca dadāti saddho
mālañca gandhañca vilepanañca
pasannacitto anumodamāno
saggesu ve sotthānaṁ tadāhu.

[1481] Yamariyadhammena punanti vaddhā 1
ārādhitā samacariyāya santo
bahussutā isayo sīlavanto
arahantamajjhe sotthānaṁ tadāhu.

[1482] Etāni kho sotthānāni loke
viññūpasatthāni sukhudrayāni 2
tānīdha sevetha naro sapañño
na hi maṅgale kiñcinamatthi 3 saccanti.
Mahāmaṅgalajātakaṁ paṇṇarasamaṁ.
-----------
16 Ghatapaṇḍitajātakaṁ

[1483] Uṭṭhehi kaṇha kiṁ sesi ko attho supanena te
yopi tuyhaṁ 4 sako bhātā hadayaṁ cakkhudakkhiṇaṁ 5
tassa vātā baliyyanti ghato jappati kesava.

[1484] Tassa taṁ vacanaṁ sutvā rohiṇeyyassa kesavo
taramānarūpo vuṭṭhāsi bhātusokena aṭṭito.
1 Ma. vuddhā. 2 Yu. sukhindriyāni. 3 Ma. kiñcanamatthi. 4 Yu. tāyaṁ.
5 Ma. cakkhu ca dakkhiṇaṁ. Yu. cakkhuṁva.

[1485] Kinnu ummattarūpova kevalaṁ dvārakaṁ imaṁ
saso sasoti lapasi ko nu te sasamāhari.

[1486] Sovaṇṇamayaṁ maṇimayaṁ (lohamayaṁ) atha vā rūpiyamayaṁ
saṅkhasilāpavāḷamayaṁ kārayissāmi te sasaṁ.
Santi aññepi sasakā araññe vanagocarā
tepi te ānayissāmi kīdisaṁ sasamicchasi.