[1457] Manussesu kataṁ bhattaṁ sucimaṁsūpasecanaṁ
1 Ma. chetvā. Sī. Yu. jhatvā. 2 Ma. sataṁ. 3 Ma. balajaṁ. Sī. Yu. vālajaṁ.
4 Ma. gaṅgāya tīre nisinno. 5 Sī. Ma. etaṁ.
Na ca me tādiso vaṇṇo cakkavāka yathā tuvaṁ.

[1458] Sampassaṁ attani veraṁ hiṁsāya 1 mānusiṁ pajaṁ
utrasto ghasasī bhīto tena vaṇṇo tavediso.

[1459] Sabbalokaviruddhosi dhaṅka pāpena kammunā
laddho piṇḍo na pīṇeti tena vaṇṇo tavediso.

[1460] Ahampi samma bhuñjāmi ahiṁsaṁ sabbapāṇinaṁ
appossukko nirāsaṅko asoko akutobhayo.

[1461] So karassu ānubhāvaṁ vītivattassu sīliyaṁ
ahiṁsāya caraṁ 2 loke piyo hohisi mammiva.

[1462] Yo na hanti na ghāteti na jināti na jāpaye
mettaṁ so sabbabhūtesu veraṁ tassa na kenacīti
cakkavākajātakaṁ terasamaṁ.
----------
14 Bhūripañhājātakaṁ

[1463] Saccaṁ kira tuvampi 3 bhūripañña
yā tādisī sirī dhiti mati ca
na tāyate bhāvavasūpanītaṁ
yo yavakaṁ bhuñjasi appasūpaṁ.

[1464] Sukhaṁ dukkhena paripācayanto
kālākālaṁ vicinaṁ chandachanno
1 Ma. hiṁsayaṁ. 2 Ma. cara. 3 Ma. tvaṁ api.
Atthassa dvārāni apāpuranto
tenāhaṁ tussāmi yavodanena.

[1465] Kālañca ñatvā abhijihanāya
mantehi atthaṁ paripācayitvā
vijambhisaṁ sīhavijambhitāni
tāyiddhiyā dakkhasi maṁ punāpi.

[1466] Sukhīpi heke na karonti pāpaṁ
avaṇṇasaṁsaggabhayā puneke
pahūsamāno vipulatthacintī
kiṁkāraṇā me na karosi dukkhaṁ.