[1447] Duddadaṁ dadamānānaṁ dukkaraṁ kammakubbataṁ
asanto nānukubbanti sataṁ dhammo durannayo.

[1448] Tasmā satañca asatañca 2 nānā hoti ito gati
asanto nirayaṁ yanti santo saggaparāyanā.

[1449] Appampeke 3 pavecchanti bahunāke 4 na dicchare
appasmā dakkhiṇā dinnā sahassena samaṁ mitā.

[1450] Dhammañcare yopi samucchakaṁ care
dārañca posaṁ dadamappakasmiṁ
satasahassānaṁ sahassayāginaṁ
kalampi nāgghanti tathāvidhassa te.

[1451] Kenesa yañño vipulo mahagghato
samena dinnassa anagghameti
kathaṁ [4]- sahassānaṁ sahassayāginaṁ
1 Ma. puññāni. 2 Ma. casaddo natthi. 3 Ma. upasameke. 4 Ma. bahuneke.
5 Ma. sataṁ.
Kalampi nāgghanti tathāvidhassa te.

[1452] Dadanti heke visame niviṭṭhā
ghatvā 1 vadhitvā atha socayitvā
sā dakkhiṇā assumukhā sadaṇḍā
samena dinnassa na agghameti
evaṁ [2]- sahassānaṁ sahassayāginaṁ
kalampi nāgghanti tathāvidhassa teti.
Bilārakosiyajātakaṁ dvādasamaṁ.
----------
13 Cakkavākajātakaṁ

[1453] Vaṇṇavā abhirūposi ghano sañjātarohito
cakkavāka surūposi vippasannamukhindriyo.

[1454] Pāṭīnaṁ pāvusaṁ macchaṁ balajjaṁ 3 muñjarohitaṁ
gaṅgātīre nisinnosi 4 evaṁ bhuñjasi bhojanaṁ.

[1455] Na vāhametaṁ bhuñjāmi jaṅgalānūdakāni vā
aññatra sevālapaṇakā aññaṁ 5 me samma bhojanaṁ.

[1456] Na vāhametaṁ saddahāmi cakkavākassa bhojanaṁ
ahampi samma bhuñjāmi gāme loṇikatelikaṁ.