[1437] Bālo kho tvaṁsi māṇava
yo tvaṁ patthayasi apatthayaṁ 6
maññāmi tuvaṁ marissasi
1 Sī. Yu. mālabhārī. 2 Ma. rūpiyāmayaṁ. 3 Ma. paṭipādayāmi. 4 Ma. so.
5 Ma. candasūriyā ubhayettha. 6 Ma. patthayase apatthiyaṁ.
Na hi tvaṁ lacchasi candasuriye.

[1438] Gamanāgamanampi dissati
vaṇṇadhātu ubhayettha vīthiyo
peto pana neva dissati
ko nu kho kandataṁ bālyataro.

[1439] Saccaṁ kho vadesi māṇava
ahameva kandataṁ bālyataro
candaṁ viya dārako rudaṁ
petaṁ kālakataṁbhipatthaye 1 .

[1440] Ādittaṁ vata maṁ santaṁ ghatasittaṁva pāvakaṁ
vārinā viya osiñci 2 sabbaṁ nibbāpaye daraṁ.

[1441] Abbuhi 3 vata me sallaṁ yamāsi hadayassitaṁ
yo me sokaparetassa puttasokaṁ apānudi.

[1442] Sohaṁ abbūḷhasallosmi vītasoko anāvilo
na socāmi na rodāmi tava sutvāna māṇavāti.
Maṭṭhakuṇḍalijātakaṁ ekādasamaṁ.
----------
12 Bilārakosiyajātakaṁ

[1443] Apacantāpi icchanti santo laddhāna bhojanaṁ
kimeva tvaṁ pacamāno yaṁ na dajjā na taṁ samaṁ.
1 Ma. kālakatābhipatthaye. 2 Ma. osiñcaṁ. evamuparipi. 3 Ma. abbahī.
evamuparipi.

[1444] Maccherā ca pamādā ca evaṁ dānaṁ na diyyati
puññaṁ ākaṅkhamānena deyyaṁ hoti vijānatā.

[1445] Yasseva bhīto na dadāti (maccharī) tadevādadato bhayaṁ
jighacchā ca pipāsā ca yassa bhāyati maccharī
tameva bālaṁ phusati asmiṁ loke paramhi ca.

[1446] Tasmā vineyya maccheraṁ dajjā dānaṁ malābhibhū
puññaṁ 1 hi paralokasmiṁ patiṭṭhā hoti pāṇinaṁ.