[1417] Etāsu ve jāyare suttamāsu
medhāvino honti bahūtapaññā
bahussutā vedagunā 2 ca honti
tasmā hi amhaṁ daharā na miyyare.

[1418] Mātāpitaro [3]- bhaginībhātaro ca
puttā ca dārā ca mayañca sabbe
dhammaṁ carāma paralokahetu
tasmā hi amhaṁ daharā na miyyare.

[1419] Dāsā ca dāsī 4 anujīvino ca
paricārakā kammakarā ca sabbe
dhammaṁ caranti paralokahetu
1 Ma. amhe ca bhariyā. 2 Ma. vedaguno. 3 Ma. ca.
4 Ma. dāsyo. Sī. Yu. dāsso.
Tasmā hi amhaṁ daharā na miyyare.

[1420] Dhammo have rakkhati dhammacāriṁ
dhammo suciṇṇo sukhamāvahāti
esānisaṁso dhamme suciṇṇe
na duggatiṁ gacchati dhammacārī.

[1421] Dhammo have rakkhati dhammacāriṁ
chattaṁ mahantaṁ viya vassakāle
dhammena gutto mama dhammapālo
aññassa aṭṭhīni sukhī kumāroti.
Mahādhammapālajātakaṁ navamaṁ.
-----------
10 Kukkuṭajātakaṁ

[1422] Nāsmase katapāpamhi nāsmase alikavādine
nāsmase attatthapaññamhi atisantepi nāsmase.

[1423] Bhavanti heke purisā gopipāsikajātikā 1
ghasanti maññe mittāni vācāya na ca kammunā.

[1424] Sukkhañjalipaggahitā vācāya paliguṇṭhitā
manussapheggū nāside yasmiṁ natthi kataññutā.

[1425] Na hi aññoññacittānaṁ 2 itthīnaṁ purisāna vā
nānāvikatvā saṁsaggaṁ tādisampi na vissase 3 .
1 Sī. Yu. gopipāsakajātikā. 2 Ma. aññaññacittānaṁ. 3 Ma. ca nāsmase.

[1426] Anariyakammaukkantaṁ 1 atthetaṁ 2 sabbaghātinaṁ
nisitaṁva paṭicchannaṁ tādisampi na vissase 3 .