[1397] Imañca 2 jammaṁ nekatikaṁ asappurisacintakaṁ
hanantu sākhaṁ sattīhi nāssa icchāmi jīvitaṁ.

[1398] Khamatassa mahārāja pāṇā duppaṭiānayā 3
khama deva asappurisassa nāssa icchāmahaṁ vadhaṁ.

[1399] Nigrodhameva seveyya na sākhamupasaṁvase
nigrodhasmiṁ mataṁ seyyo yañce sākhasmi jīvitanti.
Nigrodhajātakaṁ sattamaṁ.
---------
8 Takkalajātakaṁ

[1400] Na takkalā santi na ālupāni 4
na vilāliyo na kalambāni tāta
eko araññamhi susānamajjhe
kimatthiko tāta khaṇāsi kāsuṁ.
1 Ma. mahantataṁ. 2 Ma. casaddo natthi. 3 Ma. napaṭiānayā. 4 Ma. āluvāni.

[1401] Pitāmaho tāta sudubbalo te
anekabyādhīhi dukkhehi phuṭṭho
tamajjahaṁ nikkhaṇissāmi sobbhe
na hissa taṁ jīvitaṁ rocayāmi.

[1402] Saṅkappametaṁ paṭiladdhapāpakaṁ
accāhitaṁ kammaṁ karosi luddaṁ
mayāpi tāta paṭilacchase tuvaṁ
etādisaṁ kamma jarūpanīto
taṁ kūlavattaṁ anuvattamāno
ahampi taṁ nikkhaṇissāmi sobbhe.

[1403] Pharusāhi vācāhi pakubbamāno
āsajja maṁ tvaṁ vadase kumāra
putto mamaṁ orasako samāno
ahitānukampī me tvaṁsi putta.

[1404] Na tyāhaṁ 1 tāta ahitānukampī
hitānukampī te ahañhi 2 tāta
pāpañca taṁ kamma pakubbamānaṁ
arahāmi no vārayituṁ tato hi.

[1405] Yo mātaraṁ vā pitaraṁ saviṭṭha 3
adūsake hiṁsati pāpadhammo
1 Ma. na tāhaṁ. 2 Ma. ahampi. 3 Sī. Yu. mātaraṁ pitaraṁ vā vasiṭṭha.
Kāyassa bhedā abhisamparāyaṁ
asaṁsayaṁ so nirayaṁ upeti 1 .

[1406] Yo mātaraṁ vā pitaraṁ saviṭṭha
annena pānena upaṭṭhahāti
kāyassa bhedā abhisamparāyaṁ
asaṁsayaṁ so sugatiṁ upeti.