[1407] Na me tvaṁ putta ahitānukampī
hitānukampī me tvaṁsi putta
ahañca te 2 mātarā vuccamāno
etādisaṁ kamma karomi luddaṁ.

[1408] Yā te sā bhariyā anariyarūpā
mātā mamesā sakiyā 3 janetti
niddhāpaye tañca sakā agārā
aññampi te sā dukhamāvaheyya.

[1409] Yā te sā bhariyā anariyarūpā
mātā mamesā sakiyā 3 janetti
dantā kareṇūva vasūpanītā
sā pāpadhammā punarāvajātūti.
Takkalajātakaṁ aṭṭhamaṁ.
1 Sī. Yu. pareti. 2 Ma. taṁ. 3 Ma. jātiyā.
9 Mahādhammapālajātakaṁ

[1410] Kinte vataṁ kiṁ pana brahmacariyaṁ
kissa suciṇṇassa ayaṁ vipāko
akkhāhi me brāhmaṇa etamatthaṁ
kasmā nu tumhaṁ daharā na miyyare.

[1411] Dhammaṁ carāma na musā bhaṇāma
pāpāni kammāni vivajjayāma 1
anariyaṁ parivajjema 2 sabbaṁ
tasmā hi amhaṁ daharā na miyyare.

[1412] Suṇoma dhammaṁ asataṁ satañca
na cāpi dhammaṁ asataṁ rocayāma
hitvā asante na jahāma sante
tasmā hi amhaṁ daharā na miyyare.

[1413] Pubbeva dānā sumanā bhavāma
dadaṁpi ve attamanā bhavāma
datvāpi ve nānutapāma pacchā
tasmā hi amhaṁ daharā na miyyare.

[1414] Samaṇe mayaṁ brāhmaṇe addhike ca
vaṇibbake yācanake dalidde
annena pānena abhitappayāma
1 Ma. parivajjayāma. 2 Ma. parivajjemu.
Tasmā hi amhaṁ daharā na miyyare.

[1415] Mayañca bhariyaṁ nātikkamāma
bhariyāpi amhe 1 nātikkamanti
aññatra tāhi brahmacariyaṁ carāma
tasmā hi amhaṁ daharā na miyyare.

[1416] Pāṇātipātā viramāma sabbe
loke adinnaṁ parivajjayāma
amajjapā nopi musā bhaṇāma
tasmā hi amhaṁ daharā na miyyare.