[1377] Evaṁ mandassa posassa bālassa avijānato
1 Ma. vikatthittho. 2 Yu. manthamānasmiṁ.
Sārambhā jāyate kodho sopi teneva ḍayhati.

[1378] Aggīva tiṇakaṭṭhasmiṁ kodho yassa pavaḍḍhati
nihīyati tassa yaso kāḷapakkheva candimā.

[1379] Anindo 1 dhūmaketūva kodho yassūpasammati
āpūrati tassa yaso sukkapakkheva candimāti.
Cullabodhijātakaṁ pañcamaṁ.
----------
6 Maṇḍabyajātakaṁ 2

[1380] Sattāhamevāhaṁ pasannacitto
puññatthiko ācari 3 brahmacariyaṁ
athāparaṁ yaṁ caritaṁ mamayidaṁ 4
vassāni paññāsa samādhikāni
akāmako vāpi ahaṁ carāmi
etena saccena suvatthi hotu
hataṁ visaṁ jīvatu yaññadatto.

[1381] Yasmā dānaṁ nābhinandiṁ kadāci
disvānahaṁ atithiṁ vāsakāle
na cāpi me appiyataṁ aveduṁ
bahussutā samaṇabrāhmaṇā ca
akāmako vāpi ahaṁ dadāmi
1 Ma. anedho. 2 Sī. Ma. kaṇhadīpāyanajātakaṁ. 3 Ma. ācariṁ. 4 Ma. mamedaṁ.
Yu. mamāyidaṁ.
Etena saccena suvatthi hotu
hataṁ visaṁ jīvatu yaññadatto.

[1382] Āsīviso tāta pahūtatejo
yo taṁ aḍaṁsī biḷārā uddhacca 1
tasmiñca me appiyatāya ajja
pitari ca te natthi koci viseso
etena saccena suvatthi hotu
hataṁ visaṁ jīvatu yaññadatto.

[1383] Santā dantā ye ca 2 paribbajanti
aññatra kaṇhā anakāmarūpā 3
dīpāyana kissa jigucchamāno
akāmako carasi brahmacariyaṁ.

[1384] Saddhāya nikkhamma puna nivatto
so eḷamūgo capalo 4 vatāyaṁ
etassa vādassa jigucchamāno
akāmako carāmi brahmacariyaṁ
viññūpasatthañca satañca ṭhānaṁ
evampahaṁ puññakaro bhavāmi.

[1385] Samaṇe tuvaṁ brāhmaṇe addhike ca
1 Ma. adaṁsī sacarā udicca. 2 Ma. dantāyeva. 3 Ma. natthākāmarūpā.
4 Ma. eḷamūgova bālo.
Santappayāsi annapānena bhikkhaṁ
opānabhūtaṁva gharaṁ tavayidaṁ
annena pānena upetarūpaṁ
atha kissa vādassa jigucchamāno
akāmako dānamimaṁ dadāsi.

[1386] Pitaro ca me āsu 1 pitāmahā ca
saddhā ahu 2 dānapatī vadaññū
taṁ kūlavattaṁ 3 anuvattamāno
māhaṁ kule antimagandhino 4 ahuṁ
etassa vādassa jigucchamāno
akāmako dānamimaṁ dadāmi.