[1357] Bahussuto sutadhammosi saṅkha
diṭṭhā tayā samaṇabrāhmaṇā ca
athakkhaṇe dassayase vilāpaṁ
añño nu ko te paṭimantako mayā.

[1358] Subbhā 1 subhā suppaṭimukkakambū 2
paggayha sovaṇṇamayāya pāṭiyā
bhuñjassu bhattaṁ iti maṁ vadeti
saddhā vittā 3 tamahaṁ noti brūmi.
1 Ma. subabhū. 2 Ma. - kambu. 3 Sī. Yu. cittā.

[1359] Etādisaṁ brāhmaṇa disvāna yakkhaṁ
puccheyya poso sukhamāsasāno 1
uṭṭhehi naṁ pañjalikābhipuccha
devī nusi tvaṁ uda mānusīnu.

[1360] Yaṁ tvaṁ sukhenābhisamekkhase maṁ
bhuñjassu bhattaṁ iti maṁ vadesi
pucchāmi taṁ nāri mahānubhāve
devī nusi tvaṁ uda mānusīnu.

[1361] Devī ahaṁ saṅkha mahānubhāvā
idhāgatā sāgaravārimajjhe
anukampikā no ca paduṭṭhacittā
taveva atthāya idhāgatāsmi.

[1362] Idhannapānaṁ sayanāsanañca
yānāni nānāvividhāni saṅkha
sabbassa tyāhaṁ paṭipādayāmi
yaṅkiñci tuyhaṁ manasābhipatthitaṁ.

[1363] Yaṅkiñci yiṭṭhañca hutañca mayhaṁ
sabbassa no issarā tvaṁ sugatte
sussoṇi subbhā suvilākamajjhe 2
kissa me kammassa ayaṁ vipāko.
1 Ma. sukhamāsisāno. 2 Ma. subbhamu suvilakkamajjhe.

[1364] Ghamme pathe brāhmaṇa ekabhikkhuṁ
ussaṭṭhapādaṁ 1 tasitaṁ kilantaṁ
paṭipādayi saṅkha upāhanāni 2
sā dakkhiṇā kāmaduhā tavajja.

[1365] Sā hotu nāvā phalakūpapannā
anavassutā erakavātayuttā
aññassa yānassa na hettha bhūmi
ajjeva maṁ moliniṁ pāpayassu.

[1366] Sā tuṭṭhacittā sumanā patītā
nāvaṁ sucittaṁ abhinimminitvā
ādāya saṅkhaṁ purisena saddhiṁ
upānayī nagaraṁ sādhurammanti.
Saṅkhajātakaṁ catutthaṁ.
---------
5 Cullabodhijātakaṁ