[1347] Ye paṇḍitā atthadasā bhavanti
bhāsanti te yoniso tattha kāle
kathannu kathānaṁ abhāsitānaṁ
atthaṁ nayeyyuṁ kusalā janindā.

[1348] Kathaṁ have bhāsati nāgarājā
garuḷo pana venateyyo kimāha
gandhabbarājā pana kiṁ vadesi
kathaṁ pana kurūnaṁ rājaseṭṭho.

[1349] Khantiṁ have bhāsati nāgarājā
appāhāraṁ garuḷo venateyyo
gandhabbarājā rativippahānaṁ
akiñcanaṁ kurūnaṁ rājaseṭṭho.

[1350] Sabbāni etāni subhāsitāni
na hettha dubbhāsitamatthi kiñci
yasmiñca etāni patiṭṭhitāni
1 Ma. - paññaṁ.
Arāvanabbhā 1 susamohitāni
catubbhi dhammehi samaṅgibhūtaṁ
taṁ ve naraṁ samaṇamāhu loke.

[1351] Tuvaṁ hi 2 seṭṭho tvamanuttarosi
tvaṁ dhammagū dhammavidū sumedho
paññāya pañhaṁ samaviggahetvā 3
acchejji 4 dhīro vicikicchitāni
acchejji 4 kaṅkhaṁ vicikicchitāni
chinde 5 yathā nāgadantaṁ kharena.

[1352] Nīluppalābhaṁ vimalaṁ anagghaṁ
vatthaṁ idaṁ dhūmasamānavaṇṇaṁ
pañhassa veyyākaraṇena tuṭṭho
dadāmi te dhammapūjāya dhīra.

[1353] Suvaṇṇamālaṁ satapattaphullitaṁ
sakesaraṁ ratnasahassamaṇḍitaṁ
pañhassa veyyākaraṇena tuṭṭho
dadāmi te dhammapūjāya dhīra.

[1354] Maṇiṁ anagghaṁ ruciraṁ pabhassaraṁ
kaṇṭhāvasattaṁ maṇibhūsitamme
1 ārāvanābhyātipi arāpanabyetipi. Ma. arāvanābhyā. 2 Sī. Yu. tuvaṁ nu.
3 Ma. samadhiggahetvā. 4 Ma. acchecchi. 5 Ma. cundo.
Pañhassa veyyākaraṇena tuṭṭho
dadāmi te dhammapūjāya dhīra.

[1355] Gavaṁ sahassaṁ usabhañca nāgaṁ
ājaññayutte ca rathe dasa ime
pañhassa veyyākaraṇena tuṭṭho
dadāmi te gāmavarāni soḷasa.

[1356] Sārīputto tadā nāgo supaṇṇo pana kolito
gandhabbarājā anuruddho rājā ānandapaṇḍito
vidhuro bodhisattova evaṁ dhāretha jātakanti.
Catuposathajātakaṁ tatiyaṁ.
--------
4 Saṅkhajātakaṁ