[1327] Kīvacirannu me yakkha cakkaṁ sirasi ṭhassati
katī vassasahassāni tamme akkhāhi pucchito.

[1328] Atisaro accasaro 1 mittavinda suṇohi me
cakkante sirasmimāviddhaṁ 2 na taṁ jīvaṁ pamokkhasīti.
Catudvārajātakaṁ paṭhamaṁ.
----------
2 Kaṇhajātakaṁ

[1329] Kaṇho vatāyaṁ puriso kaṇhaṁ bhuñjati bhojanaṁ
kaṇhe bhūmippadesasmiṁ na mayhaṁ manaso piyo.

[1330] Na kaṇho tacasā hoti antosāro hi brāhmaṇo
yasmiṁ pāpāni kammāni save kaṇho sujampati.

[1331] Etasmiṁ te sulapite paṭirūpe subhāsite
varaṁ brāhmaṇa te dammi yaṅkiñci manasicchasi.

[1332] Varañca me ado sakka sabbabhūtānamissara
sunikkodhaṁ suniddosaṁ nillobhaṁ vuttimattano
nisnehamabhikaṅkhāmi ete me caturo vare.

[1333] Kinnu kodhe vā dose vā lobhe sneheva brāhmaṇa
1 Ma. paccasaro. 2 Ma. sirasi māviddhaṁ.
Ādīnavaṁ [1]- sammasasi 2 tamme akkhāhi pucchito.

[1334] Appo hutvā bahu hoti vaḍḍhate so akhantijo
āsaṅgi bahupāyāso tasmā kodhaṁ na rocaye.

[1335] Duṭṭhassa pharusā 3 vācā parāmāso anantarā
tato pāṇi tato daṇḍo satthassa paramā gati
doso kodhasamuṭṭhāno tasmā dosaṁ na rocaye.

[1336] Ālopasāhasākārā nikati vañcanāni ca
dissanti lobhadhammesu tasmā lobhaṁ na rocaye.