[1307] Kīdiso tuyhaṁ parivāro yesaṁ kāhāmi bhojanaṁ
kiṁnāmakā ca te sabbe te 2 me akkhāhi pucchitā.

[1308] Māliyo caturakkho ca piṅgiyo atha jambuko
ediso mayhaṁ parivāro tesaṁ kayirāhi bhojanaṁ.

[1309] Nikkhantāya agārasmā bhaṇḍakampi vinassati
arogaṁ āḷino vajjaṁ idheva vasa mā gamāti.
Pūtimaṁsajātakaṁ ekādasamaṁ.
---------
12 Daddarajātakaṁ

[1310] Yo te puttake akkhādi dinnabhatto adūsake
tasmiṁ dāṭhā 3 nipātehi mā te muñcittha jīvako.

[1311] Ākiṇṇaluddo puriso dhāticolaṁva makkhito
padesaṁ taṁ na passāmi yattha dāṭhā 3 nipātaye.

[1312] Akataññussa posassa niccaṁ vivaradassino
sabbañce paṭhaviṁ dajjā neva naṁ abhirādhaye.

[1313] Kinnu subāhu taramānarūpo
paccāgatosi saha māṇavena
1 Ma. piyapucchikā. 2 Ma. taṁ. 3 Ma. dāṭhaṁ.
Kiṁ kiccamatthaṁ idhamatthi tuyhaṁ
akkhāhi me pucchito etamatthaṁ.

[1314] Yo te sakhā daddaro sādhurūpo
tassa vadhaṁ parisaṅkāmi ajja
purisassa kammāyatanāni sutvā
nāhaṁ sukhiṁ daddaraṁ ajja maññe.

[1315] Kānissa kammāyatanāni assu
purisassa vuttisamodhānatāya
kaṁ vā paṭiññaṁ purisassa sutvā
parisaṅkasi daddaraṁ māṇavena.

[1316] Ciṇṇā kaliṅgā caritā vaṇijjā
vettācāro 1 saṅkupathopi ciṇṇo
naṭehi ciṇṇaṁ saha vākurehi 2
daṇḍena yuddhampi samajjamajjhe.