[1297] Divā ca ratto ca mayā upaṭṭhitā
tapassinā jotirivā vane vasaṁ
sā dhammamokkamma 6 adhammamācari
akrīyarūpo pamudāhi 7 santhavo.

[1298] Sarīramajjhamhi ṭhitāti maññihaṁ
mayhaṁ ayanti asatiṁ asaññataṁ
sā dhammamokkamma 6 adhammamācari
akrīyarūpo pamudāhi 7 santhavo.
1 Ma. viyākato. 2 so dānavo chambhi samuggilitvātipi pāṭho.
3 Ma. sadiṭṭharūpamuggatapānuvattinā. 4 Ma. pamadāvasaṁ gatā. 5 Ma. ... pamodayi.
6 Ma. dhammamukkamma. 7 Ma. akkiriyarūpo pamadāhi.

[1299] Surakkhitammeti kathannu vissase
anekacittāsu na hettha 1 rakkhanā
etā hi pātālapapātasannibhā
tattha pamatto 2 byasanaṁ nigacchati.

[1300] Tasmā hi te sukhino vītasokā
ye mātugāmehi caranti nissaṭā
etaṁ sivaṁ uttamamābhipatthayaṁ
na mātugāmehi kareyya santhavanti.
Samuggajātakaṁ dasamaṁ.
---------
11 Pūtimaṁsajātakaṁ

[1301] Na kho ruccati me āḷi pūtimaṁsassa pekkhanā
etādisā sakhārasmā ārakā parivajjaye.

[1302] Ummattikā ayaṁ veṇi vaṇṇeti patino sakhiṁ
pajjhāyi paṭigacchantiṁ āgataṁ meṇḍamātaraṁ.

[1303] Tvaṁ khosi samma ummatto dummedho avicakkhaṇo
so 3 tvaṁ matālayaṁ katvā akālena vipekkhasi.

[1304] Na akāle vipekkheyya kāle pekkheyya paṇḍito
pūtimaṁsova pajjhāyi yo akāle vipekkhati.

[1305] Piyaṁ kho āḷi me hotu puṇṇapattaṁ dadāhi me
1 Ma. na hatthi. 2 Yu. etthappamatto. 3 Ma. yo.
Pati sañjīvito mayhaṁ eyyāsi piyapucchitā 1 .

[1306] Piyaṁ kho āḷi te hotu puṇṇapattaṁ dadāmi te
mahatā parivārena essaṁ kayirāhi bhojanaṁ.