[1287] Yo ca dhammena carati carantopi na maññati
visuddhakāriṁ sappaññaṁ taṁ bhajehi ito gato.
1 Ma. te.

[1288] Haliddarāgaṁ kapicittaṁ purisaṁ rāgavirāginaṁ
tādisaṁ tāta mā sevi nimmanussampi ce siyā.

[1289] Āsīvisaṁva kuppitaṁ miḷhalittaṁ mahāpathaṁ
ārakā parivajjehi yānīva visamaṁ pathaṁ.

[1290] Anatthā tāta vaḍḍhanti bālaṁ accūpasevato
māssu bālena saṅgacchi 1 amitteneva sabbadā.

[1291] Taṁ tāhaṁ tāta yācāmi karassu vacanaṁ mama
māssu bālena saṅgacchi 1 dukkho bālehi saṅgamoti.
Haliddarāgajātakaṁ navamaṁ.
----------
10 Samuggajātakaṁ

[1292] Kuto nu āgacchatha bho tayo janā
svāgatā 2 etha nisīdathāsane
kaccittha bhonto kusalaṁ anāmayaṁ
cirassamabbhāgamanaṁ hi vo idha.

[1293] Ahameva eko idhamajja patto
na cāpi me dutiyo koci vijjati
kimeva sandhāya te bhāsitaṁ ise
kuto nu āgacchatha bho tayo janā.

[1294] Tvañca eko bhariyā ca te piyā
1 Sī. Yu. saṅgañchi. 2 Sī. Yu. svāgataṁ ettha.
Samuggapakkhittanikiṇṇamantare
sā rakkhitā kucchigatāva te sadā
vāyussa puttena sahā tahiṁ ratā.

[1295] Saṁviggarūpo isinā byākato 1
so dānavo tattha samuggamuggili 2
addakkhi bhariyaṁ sucimāladhāriniṁ
vāyussa puttena sahā tahiṁ rataṁ.

[1296] Sudiṭṭharūpuggatapānuvattinā 3
hīnā narā ye pamudāvasaṅgatā 4
yathā have pāṇarivettha rakkhitā
duṭṭhā mayi aññamabhippamodati 5 .