[1317] Bandhā kulikā 3 mitamāḷhakena
akkhā jitā 4 saññamo abbhatīto
appahitaṁ 5 pupphakaṁ 6 aḍḍharattaṁ
hatthā aḍḍhā piṇḍapaṭiggahena.

[1318] Tānissa kammāyatanāni assu
1 Ma. vettacaro. 2 Sī. Yu. vākarehi. 3 Sī. Yu. kuliṅkā. 4 ṭhitātipi.
5 Ma. abbāhitaṁ. Sī. Yu. abbūhitaṁ. 6 Ma. pubbakaṁ.
Purisassa vuttisamodhānatāya
yathā ayaṁ dissati lomapiṇḍo
gāvo hatā kiṁ pana daddarassāti.
Daddarajātakaṁ dvādasamaṁ.
---------
Tassuddānaṁ
varagijjha samajjanaṁ haṁsavaro
nidhisavhaya hārita pātaliko
ajarāmara dhaṅka titikkha kuto
atha dvādasa pekkhana daddaribhi.
Navakanipātaṁ niṭṭhitaṁ.
--------
Dasakanipātajātakaṁ
1 catudvārajātakaṁ

[1319] Catudvāramidaṁ nagaraṁ āyasaṁ daḷhatoraṇaṁ 1
oruddhapaṭiruddhosmi kiṁ pāpaṁ pakataṁ mayā.

[1320] Sabbe apihitā dvārā oruddhosmi yathā dijo
kimādhikaraṇaṁ yakkha cakkābhinihato ahaṁ.

[1321] Laddhā satasahassāni atirekāni vīsati
anukampakānaṁ ñātīnaṁ vacanaṁ sammanākari.

[1322] Laṅghiṁ samuddaṁ pakkhandi sāgaraṁ appasiddhiyaṁ 2
catubbhi aṭṭhajjhagamā aṭṭhābhipi ca soḷasa.

[1323] Soḷasābhi ca battiṁsa atricchaṁ cakkamāsado
icchāhatassa posassa cakkaṁ bhamati matthake.

[1324] Upari visālaṁ duppūraṁ icchāvisatagāminaṁ 3
ye ca taṁ anugijjhanti te honti cakkadhārino.

[1325] Bahubhaṇḍaṁ avahāya maggaṁ appaṭivekkhiya
yesaṁ cetaṁ asaṅkhātaṁ te honti cakkadhārino.

[1326] Kammaṁ samekkhe vipulañca bhogaṁ
1 Ma. daḷhapākāraṁ. 2 Ma. appasiddhikaṁ. 3 pari visālā duppūrā
icchāvipattigāminītipi .. icchāvisaṭagāminītipi khāyati.
Icchaṁ na seveyya anatthasañhitaṁ
kareyya vākyaṁ anukampakānaṁ
taṁ tādisaṁ nātivateyya cakkaṁ.