[1367] Yo te imaṁ visālakkhiṁ piyaṁ sammillahāsiniṁ 3
ādāya balā gaccheyya kiṁ nu kayirāsi brāhmaṇa.

[1368] Uppajje 4 me na muñceyya na me muñceyya jīvato
1 Sī. Ma. ugghaṭṭapādaṁ. 2 Sī. Yu. upāhanāhi. 3 saṁsilahāsinintipi pāṭho.
Ma. samhitabhāsiniṁ. Sī. Yu. sammillabhāsiniṁ. 4 Sī. Yu. uppajja.
Rajaṁva vipulā vuṭṭhi khippameva nivāraye.

[1369] Yannu pubbe vikatthito 1 balamhiva apassito
svājja tuṇhikatodāni saṅghāṭiṁ sibbamacchasi.

[1370] Uppajji me na muñcittha na me muñcittha jīvato
rajaṁva vipulā vuṭṭhi khippameva nivārayiṁ.

[1371] Kinte uppajji no muñci kinte na muñci jīvato
rajaṁva vipulā vuṭṭhi katamaṁ tvaṁ nivārayi.

[1372] Yamhi jāte na passati ajāte sādhu passati
so me uppajji no muñci kodho dummedhagocaro.

[1373] Yena jātena nandanti amittā dukkhamesino
so me uppajji no muñci kodho dummedhagocaro.

[1374] Yasmiñca jāyamānasmiṁ sadatthaṁ nāvabujjhati
so me uppajji no muñci kodho dummedhagocaro.

[1375] Yenābhibhūto kusalaṁ jahāti
parakkare vipulañcāpi atthaṁ
sa bhīmaseno balavā pamaddi
kodho mahārāja na me amuccatha.

[1376] Kaṭṭhasmiṁ matthamānasmiṁ 2 pāvako nāma jāyati
tameva kaṭṭhaṁ dahati yasmā so jāyate gini.