[1557] Mā maṁ tāta 3 nivāresi pabbajantaṁ rathesabha
māhaṁ kāmehi sammatto jarāya vasamanvagū.

[1558] Ahaṁ taṁ tāta yācāmi ahaṁ putta nivāraye
ciraṁ taṁ daṭṭhumicchāmi mā pabbajja yudhañjaya.

[1559] Ussāvova tiṇaggamhi suriyassuggamanaṁ 4 pati
evamāyu manussānaṁ mā maṁ amma nivāraye.

[1560] Taramāno 5 imaṁ yānaṁ āropetu 6 rathesabha
mā me mātā tarantassa antarāyakarā ahu.

[1561] Abhidhāvatha bhaddante suññaṁ hessati rammakaṁ
yudhañjayo anuññāto sabbadattena rājinā.

[1562] Yohu seṭṭho manussānaṁ 7 yuvā kañcanasannibho
soyaṁ kumāro pabbajito kāsāyavasano balī.

[1563] Ubho kumārā pabbajitā yudhañjayo yudhiṭṭhilo
pahāya mātāpitaro saṅgaṁ chetvāna maccunoti.
Yudhañjayajātakaṁ chaṭṭhaṁ.
1 hiṁsi kāme na vijjatītipi pāṭho. Ma. hiṁsitā. 2 Ma. negamo taṁ yāce ....
3 Ma. deva. 4 Ma. sūriyuggamanaṁ. 5 Sī. Yu. taramānā. 6 Sī. Yu. āropentu.
7 Ma. sahassassa.
7 Dasarathajātakaṁ

[1564] Etha lakkhaṇasītā ca ubho otarathodakaṁ
evāyaṁ bharato āha rājā dasaratho mato.

[1565] Kena rāma pabhāvena socitabbaṁ na socasi
pitaraṁ kālakataṁ sutvā na taṁ pasahate dukhaṁ.

[1566] Yaṁ na sakkā naṁ pāletuṁ 1 posena lapataṁ bahuṁ
sa kissa viññū medhāvī attānamupatāpaye.