[1247] Evametaṁ mahārāja yathā te vacanaṁ sutaṁ
1 Ma. metti. 2 Ma. api nāma naṁ passeyyuṁ.
Kummaggaṁ paṭipannosmi mohaneyyesu mucchito.

[1248] Adu 1 paññā kimatthikā nipuṇā sādhucintinī 2
yāya uppatitaṁ rāgaṁ kiṁ mano na vinodaye.

[1249] Cattārome mahārāja loke atibalā bhusā
rāgo doso mado moho yattha paññā na gādhati.

[1250] Arahā sīlasampanno suddho carati hārito
medhāvī paṇḍito ceva iti no sammato bhavaṁ.

[1251] Medhāvinampi hiṁsanti isidhammaguṇe rataṁ
vitakkā pāpakā rāja subhā rāgūpasañhitā.

[1252] Uppannoyaṁ 3 sarīrajo rāgo vaṇṇavidūsano 4
tava taṁ pajaha namatthu 5 bahunāsi medhāvi sammato.

[1253] Te andhakaraṇe 6 kāme bahudukkhe mahāvise
tesaṁ mūlaṁ gavesissaṁ chejjaṁ 7 rāgaṁ sabandhanaṁ.

[1254] Idaṁ vatvāna hārito isi saccaparakkamo
kāmarāgaṁ virājetvā brahmalokūpago ahūti.
Haritacajātakaṁ pañcamaṁ.
----------
6 Padakusalamāṇavajātakaṁ

[1255] Bahussutaṁ cittakathaṁ gaṅgā vahati pāṭaliṁ 8
1 Sī. Yu. ādu. 2 Sī. Yu. sādhucintanī. 3 Ma. uppannāyaṁ.
4 Ma. rāgo vaṇṇavidūsano tava. 5 Ma. taṁ pajaha bhaddamatthu te. 6 Ma. andhakārake.
7 Ma. checchaṁ. evamuparipi. 8 Sī. Yu. pāṭalaṁ.
Vuyhamānaka bhaddante ekaṁ me dehi gāthakaṁ.

[1256] Yena siñcanti dukkhitaṁ yena siñcanti āturaṁ
tassa majjhe marissāmi jātaṁ saraṇato bhayaṁ.