[1217] Parimuṭṭhā paṇḍitābhāsā vācāgocarabhāṇino
yāvicchanti mukhāyāmaṁ yena nītā na taṁ vidū.

[1218] Akkocchi maṁ avadhi maṁ ajini maṁ ahāsi me
ye ca taṁ upanayhanti veraṁ tesaṁ na sammati.

[1219] Akkocchi maṁ avadhi maṁ ajini maṁ ahāsi me
ye ca taṁ nūpanayhanti veraṁ tesūpasammati.

[1220] Na hi verena verāni sammantīdha kudācanaṁ
averena ca sammanti esa dhammo sanantano.

[1221] Pare ca na vijānanti mayamettha yamāmase
ye ca tattha vijānanti tato sammanti medhagā.
1 Ma. sa ve byasanaṁ pappoti.

[1222] Aṭṭhicchinnā pāṇaharā gavāssadhanahārino
raṭṭhaṁ vilumpamānānaṁ tesampi hoti saṅgati
kasmā tumhākaṁ no siyā.

[1223] Sace labhetha nipakaṁ sahāyaṁ
saddhiñcaraṁ sādhuvihāri dhīraṁ
abhibhuyya sabbāni parissayāni
careyya tenattamano satimā.

[1224] No ce labhetha nipakaṁ sahāyaṁ
saddhiñcaraṁ sādhuvihāri dhīraṁ
rājāva raṭṭhaṁ vijitaṁ pahāya
eko care mātaṅgaraññeva nāgo.

[1225] Ekassa caritaṁ seyyo natthi bāle sahāyatā
eko care na ca 1 pāpāni kayirā
appossukko mātaṅgaraññeva nāgoti.
Kosambiyajātakaṁ dutiyaṁ.
----------
3 Mahāsuvarājajātakaṁ

[1226] Dumo yadā hoti phalūpapanno
bhuñjanti naṁ vihaṅgamā 2 sampatantā
khīṇanti ñatvāna dumaṁ phalaccaye
1 Ma. casaddo natthi. 2 Sī. Yu. vihagā. evamuparipi.
Disodisaṁ yanti tato vihaṅgamā.