[1197] Yadā kuluko 2 sakuṇo pabbataṁ gandhamādanaṁ
tuṇḍenādāya gaccheyya atha nūna tadā siyā.

[1198] Yadā sāmuddikaṁ nāvaṁ sayantaṁ savaṭākaraṁ
ceto ādāya gaccheyya atha nūna tadā siyāti.
Aṭṭhānajātakaṁ navamaṁ.
---------
10 Dīpijātakaṁ

[1199] Khamanīyaṁ yāpanīyaṁ kacci mātula te sukhaṁ
sukhaṁ te ammā avaca sukhakāmā hi 3 te mayaṁ.

[1200] Naṅguṭṭhaṁ me apakkamma 4 heṭhayitvāna eḷaki 5
sājja mātulavādena muñcitabbā nu maññasi.

[1201] Puratthābhimukho 6 nisinnosi ahante mukhamāgatā
pacchato tuyhaṁ naṅguṭṭhaṁ kathaṁ khohaṁ avakkami.
1 Ma. muḷālapatutānaṁ. Sī. Yu. pulasapattānaṁ. 2 Ma. kulako. Sī. Yu. kluṅko.
3 Ma. va.. 4 Ma. avakkamma. 5 Ma. eḷike. Yu. eḷiki. 6 Ma. puratthāmukho.

[1202] Yāvatā caturo dīpā sasamuddā sapabbatā
tāvatā mayhaṁ naṅguṭṭhaṁ kathaṁ kho tvaṁ vivajjasi 1 .

[1203] Pubbeva metaṁ akkhiṁsu mātā pitā ca bhātaro
dīghaṁ duṭṭhassa naṅguṭṭhaṁ sāmhi vehāyasāgatā.

[1204] Tañca disvāna āyantiṁ antalikkhasmi eḷaki 2
migasaṅgho palāyittha bhakkho me nāsito tayā.

[1205] Iccevaṁ vilapantiyā eḷakiyā ruhagghaso
galakaṁ anvāvamaddi natthi duṭṭhe subhāsitaṁ.

[1206] Neva duṭṭhe nayo atthi na dhammo na subhāsitaṁ
nikkamaṁ duṭṭhe yuñjetha so ca sabbhi na rajjatīti 3 .
Dīpijātakaṁ dasamaṁ.
Kaccānivaggo.
--------
Tassuddānaṁ
parisuddhāmanāvilā vatthadharā
bakarājassa kāyuraṁ daṇḍavaro
atha aṅgāra cetiya devilinā
atha āditta gaṅgā daseḷakinā.
Aṭṭhakanipātaṁ niṭṭhitaṁ.
----------
1 Ma. vivajjayi. 2 Ma. eḷike. Yu. eḷiki. 3 Ma. ... sabbhiṁ na rañjatīti.
Navakanipātajātakaṁ
1 gijjhajātakaṁ