[1177] Amittānaṁva hatthatthaṁ sīvi pappoti māmiva
kammaṁ vijjañca dakkheyyaṁ vivāhaṁ sīlamaddavaṁ
ete ca yase hāpetvā nibbatto sehi kammehi.

[1178] Sohaṁ sahassajīnova abandhu aparāyano
ariyadhammā apakkanto yathā peto tathevahaṁ.

[1179] Sukhakāme dukkhāpetvā āpannosmi padaṁ imaṁ
so sukhaṁ nādhigacchāmi ṭhito 4 bhāṇumahimivāti 5 .
Indriyajātakaṁ sattamaṁ.
----------
8 Ādittajātakaṁ

[1180] Ādittasmiṁ agārasmiṁ yaṁ nīharati bhājanaṁ
1 Ma. gahapatī. 2 Ma. apiso. 3 Ma. yo.. 4 Sī. Yu. cito.
5 bhāṇumakāsivātipi pāṭho. Sī. Ma. bhāṇumatāmiva.
Taṁ tassa hoti atthāya no ca yaṁ tattha ḍayhati.

[1181] Evamādipito loko jarāya maraṇena ca
nīharetheva dānena dinnaṁ hoti sunībhataṁ 1 .

[1182] Yo dhammaladdhassa dadāti dānaṁ
uṭṭhānaviriyādhigatassa jantu
atikkamma so vetaraṇiṁ yamassa
dibbāni ṭhānāni upeti macco.

[1183] Dānañca yuddhañca samānamāhu
appāpi santā bahuke jinanti
appampi ce saddahāno dadāti
teneva so hoti sukhī parattha.

[1184] Viceyya dānaṁ sugatappasatthaṁ
ye dakkhiṇeyyā idha jīvaloke
etesu dinnāni mahapphalāni
bījāni vuttāni yathā sukhette.

[1185] Yo pāṇabhūtāni aheṭhayaṁ caraṁ
parūpavādā na karoti pāpaṁ
bhīruṁ pasaṁsanti na tattha sūraṁ
bhayā hi santo na karonti pāpaṁ.

[1186] Hīnena brahmacariyena khattiye upapajjati
1 Ma. sunīhataṁ.
Majjhimena ca devattaṁ uttamena visujjhati.