[1167] Jivhā tassa na bhavati macchasseva disampati
yo jānaṁ pucchito pañhaṁ aññathā naṁ viyākare
sace hi saccaṁ bhaṇasi hohi rāja yathā pure
musā ce bhāsase rāja bhiyyo pavisa cetiya.
1 Ma. kiñcanaṁ. 2 Ma. mā tvaṁ.

[1168] Thiyova tassa jāyanti na pumā jāyare kule
yo jānaṁ pucchito pañhaṁ aññathā naṁ viyākare
sace hi saccaṁ bhaṇasi hohi rāja yathā pure
musā ce bhāsase rāja bhiyyo pavisa cetiya.

[1169] Puttā tassa na bhavanti pakkamanti disodisaṁ
yo jānaṁ pucchito pañhaṁ aññathā naṁ viyākare
sace hi saccaṁ bhaṇasi hohi rāja yathā pure
musā ce bhāsase rāja bhiyyo pavisa cetiya.

[1170] Sa rājā iminā patto 1 antalikkhacaro pure
pāvekkhi paṭhaviṁ pecco hīnatto attapariyāyaṁ 2
tasmā hi chandāgamanaṁ nappasaṁsanti paṇḍitā
aduṭṭhacitto bhāseyya giraṁ saccūpasañhitanti.
Cetiyarājajātakaṁ chaṭṭhaṁ.
----------
7 Indriyajātakaṁ

[1171] Yo indriyānaṁ kāmena vasaṁ nārada gacchati
so pariccajjubho loke jīvantopi 3 visussati.

[1172] Sukhassānantaraṁ dukkhaṁ dukkhassānantaraṁ sukhaṁ
sopi patto sukhadukkhaṁ pāṭikaṅkha varaṁ sukhaṁ.
1 Sī. Ma. isinā satto. 2 Sī. Ma. patvapariyāyaṁ. 3 Ma. jīvantova.

[1173] Kicchakāle kicchasaho yo kicchaṁ nātivattati
sa kicchantaṁ sukhaṁ dhīro yogaṁ samadhigacchati.

[1174] Na heva kāmānaṁ kāmā nānatthā natthakāraṇā
na katañca niraṅkatvā dhammā cavitumarahasi.

[1175] Dakkhaṁ gahapataṁ 1 sādhu saṁvibhajjañca bhojanaṁ
ahāso atthalābhesu atthabyāpatti abyatho.

[1176] Ettāvatetaṁ paṇḍiccaṁ asito 2 devilo bravi
nayito kiñci pāpiyo [3]- indriyānaṁ vasaṁ vaje.