[1147] Yato ca jāneyya pasādamattano
atthaṁ niyuñjeyya parassa dukkaṭaṁ
tadāyamatthoti sayaṁ avekkhiya
athassa daṇḍaṁ sadisaṁ nivesaye.

[1148] Na cāpi jhāpeti paraṁ na attanaṁ
amucchito yo nayate nayānayaṁ
1 Ma. puṇṇāyateneva. 2 Ma. yo ca.
Yo daṇḍadhāro bhavatīdha issaro
sa vaṇṇagutto siriyā na dhaṁsati.

[1149] Ye khattiyāse anisammakārino
panenti daṇḍaṁ sahasā pamucchitā
avaṇṇasaṁyuttā 1 jahanti jīvitaṁ
ito vimuttāpica yanti duggatiṁ.

[1150] Dhamme ca ye ariyappavedite ratā
anuttarā te vacasā manasā kammunā ca
te khantisoraccasamādhisaṇṭhitā 2
vajanti lokaṁ dubhayaṁ tathāvidhā.

[1151] Rājāhamasmi narapamudānamissaro
sacepi kujjhāmi ṭhapemi attanaṁ
nisedhayanto janataṁ tathāvidhaṁ
panemi daṇḍaṁ anukampa yoniso.

[1152] Sirī ca lakkhī ca taveva khattiya
janādhipa mā vijahi kudācanaṁ
akkodhano niccapasannacitto
anigho tuvaṁ vassasatāni pālaya.

[1153] Guṇehi etehi upehi 3 khattiya
ṭhitamariyavutti 4 suvaco akodhano
1 Ma. avaṇṇasaṁyutā. 2 Ma. santi .... 3 Ma. upetha. 4 Ma. ṭhitamariyavattī.
Sukhī anuppīḷa pasāsa medaniṁ
ito vimuttopi vajāhi suggatiṁ.

[1154] Evaṁ sunītena 1 subhāsitena
dhammena ñāyena upāyaso nayaṁ
nibbāpaye saṅkhubhitaṁ mahājanaṁ
mahāva megho salilena medaninti 2 .
Sumaṅgalajātakaṁ catutthaṁ.
---------
5 Gaṅgamālajātakaṁ

[1155] Aṅgārajātā paṭhavī kukkulānugatā mahī
atha gāyasi vattāni na taṁ tapati ātapo.
Uddhaṁ tapati ādicco adho tapati vālukā
atha gāyasi vattāni na taṁ tapati ātapo.

[1156] Na maṁ tapati ātapo ātappā tapayanti maṁ
atthā hi vividhā rāja te tapanti na ātapo.