[1127] Evañca te ruccati kātiyāni
hatāpi santā na jahāsi dhammaṁ
tuvañca putto suṇisā ca nattā
sammodamānā gharamāvasetha.

[1128] Sā kātiyānī suṇisāya saddhiṁ
sammodamānā gharamāvasittha
1 Sī. Ma. panamhi. 2 Sī. Yu. nāhaṁ matosmi.
Putto ca nattā ca upaṭṭhahiṁsu.
Devānamindena adhiggahītāti.
Kaccānijātakaṁ paṭhamaṁ.
----------
2 Aṭṭhasaddajātakaṁ

[1129] Idaṁ pure ninnamāhu bahumacchaṁ mahodakaṁ
āvāso bakarājassa pettikaṁ bhavanaṁ mama
tyajja bhiṅgena 1 yāpema okaṁ na vijjahāmase 2

[1130] Ko dutiyaṁ asīlissa bandhurassakkhi bhejjati 3
ko me putte kulāvakaṁ mañca sotthiṁ karissati.

[1131] Sabbā parikkhatā pheggu yāva tassā gatī ahu
khīṇabhakkho mahārāja sāre na ramatī ghuṇo.

[1132] Sā nūnāhaṁ ito gantvā rañño muttā nivesanā
attānaṁ ramayissāmi dumasākhāniketinī 4 .

[1133] So nūnāhaṁ ito gantvā rañño mutto nivesanā
aggodakāni pivissāmi yūthassa purato vajaṁ.

[1134] Taṁ maṁ kāmehi sammattaṁ rattaṁ kāmesu mucchitaṁ
ānayī bharato luddho 5 bāhiko bhaddamatthu te.

[1135] Andhakāratimisāyaṁ tuṅge upari pabbate
1 Sī. Ma. bhekena. 2 Ma. vajahāmase. 3 Ma. bandharassakkhi bhecchati.
4 Ma. dumasākhaniketinī. 5 Ma. sabbatla luddo.
Sā maṁ saṇhena mudunā mā pādaṁ khaṇiyasmani 1 .

[1136] Asaṁsayaṁ jātikhayantadassī
na gabbhaseyyaṁ punarāvaṭissaṁ 2
ayamantimā pacchimagabbhaseyyā 3
khīṇo me saṁsāro punabbhavāyāti.
Aṭṭhasaddajātakaṁ dutiyaṁ.
--------
3 Sulasājātakaṁ