[1107] Na kiratthi anomadassīsu
pāricariyā buddhesu appakā 4
1 Ma. ko mametaṁ .... 2 Ma. suppamāṇesu. 3 Ma. kummāsapiṇḍi ....
4 Ma. appikā.
Sukkhāya aloṇikāya ca
passa phalaṁ kummāsapiṇḍiyā.
Hatthī gavāssā cime bahū
dhanadhaññā paṭhavī ca kevalā
nāriyo cimā accharūpamā
passa phalaṁ kummāsapiṇḍiyā.

[1108] Abhikkhaṇaṁ rājakuñjara
gāthā bhāsasi kosalādhipa
pucchāmi taṁ raṭṭhavaḍḍhana
bāḷhaṁ pītimano pabhāsasi.

[1109] Imasmiṁyeva nagare kule aññatare ahuṁ
parakammakaro āsiṁ bhatako sīlasaṁvuto.
Kammāya nikkhamantāhaṁ 1 caturo samaṇaddasaṁ
ācārasīlasampanne sītibhūte anāsave.
Tesu cittaṁ pasādetvā nisīdetvā paṇṇasanthate
adaṁ buddhāna kummāsaṁ pasanno sehi pāṇibhi.
Tassa kammassa kusalassa idaṁ me edisaṁ phalaṁ
anubhomi idaṁ rajjaṁ phītaṁ dharaṇimuttamaṁ.

[1110] Dadaṁ bhuñja ca mā ca pamādo
cakkaṁ vattaya kosalādhipa
1 Ma. nikkhamantohaṁ.
Mā rāja adhammiko ahu
dhammaṁ pālaya kosalādhipa.

[1111] Sohaṁ tadeva punappunaṁ
vaṭumaṁ ācarissāmi sobhane
ariyācaritaṁ sukosale
arahanto me manāpāva passituṁ.

[1112] Devī viya accharūpamā
majjhe nārigaṇassa sobhasi
kiṁ kammamakāsi bhaddakaṁ
kenāsi vaṇṇavatī sukosale.

[1113] Ambaṭṭhakulassa khattiya
dāsyāhaṁ parapesiyā ahuṁ
saññatā ca dhammajīvinī
sīlavatī ca apāpadassanā.
Uddhaṭabhattaṁ ahaṁ tadā
caramānassa adāsi bhikkhuno
cittā sumanā sayaṁ ahaṁ
tassa kammassa phalaṁ mamedisanti.
Kummāsapiṇḍajātakaṁ dasamaṁ.
-----------
11 Parantapajātakaṁ

[1114] Āgamissati me pāpaṁ āgamissati me bhayaṁ
tadā hi calitā sākhā manussena migena vā.

[1115] Bhīruyā nūna me kāmo avidūre vasantiyā
karissati kisaṁ paṇḍuṁ sāva sākhā parantapaṁ.

[1116] Socayissati maṁ kantā gāme vasaṁ aninditā
karissati kisaṁ paṇḍuṁ sāva sākhā parantapaṁ.