[1097] Sarabhā sarade kāle pahīnamakase vane
pāviṁsu giriduggāni nadīnaṁ pabhavāni ca.

[1098] Sarabhe ca gate disvā ajā ca vibhavaṁ gatā
kīso ca vivaṇṇo āsi paṇḍurogī ca brāhmaṇo.

[1099] Evaṁ yo sanniraṅkatvā āgantuṁ kurute piyaṁ
so eko bahu socati dhūmakārīva brāhmaṇoti.
Dhūmakārijātakaṁ aṭṭhamaṁ.
1 Sī. bahutejo. Ma. bahūtejo. 2 Yu. makasaṭṭitā. 3 Sī. vinassuṁ.
9 Jāgarajātakaṁ

[1100] Kodha jāgarataṁ sutto kodha suttesu jāgaro
ko metaṁ nu 1 vijānāti ko taṁ paṭibhaṇāti me.

[1101] Ahaṁ jāgarataṁ sutto ahaṁ suttesu jāgaro
ahametaṁ vijānāmi ahaṁ paṭibhaṇāmi te.

[1102] Kathaṁ jāgarataṁ sutto kathaṁ suttesu jāgaro
kathaṁ etaṁ vijānāsi kathaṁ paṭibhaṇāsi me.

[1103] Ye dhammaṁ nappajānanti saññamoti damoti ca
tesu suttappamādesu 2 ahaṁ jaggāmi devate.

[1104] Yesaṁ rāgo ca doso ca avijjā ca virājitā
tesu jāgaramānesu ahaṁ suttosmi devate.

[1105] Evaṁ jāgarataṁ sutto evaṁ suttesu jāgaro
evametaṁ vijānāmi evaṁ paṭibhaṇāmi te.

[1106] Sādhu jāgarataṁ sutto sādhu suttesu jāgaro
sādhu metaṁ vijānāsi sādhu paṭibhaṇāsi meti.
Jāgarajātakaṁ navamaṁ.
---------
10 Kummāsapiṇḍajātakaṁ 3