[1117] Tayā maṁ hasitāpaṅgī 1 mihitāni 2 bhaṇitāni ca
kisaṁ paṇḍuṁ karissati sāva sākhā parantapaṁ.

[1118] Agamā nūna so saddo asaṁsi nūna so tava
akkhātaṁ nūna taṁ tena yo taṁ sākhamakampayi.

[1119] Idaṁ kho taṁ samāgamma mama bālassa cintitaṁ
tadā hi calitā sākhā manussena migena vā.

[1120] Tatheva tvaṁ avedasi avañci pitaraṁ mama
hantvā sākhāhi chādento āgamissati te 3 bhayanti.
Parantapajātakaṁ ekādasamaṁ.
Gandhāravaggo dutiyo.
-----------
1 Ma. asitāpaṅgi. 2 Ma. sitāni. 3 Ma. me.
Tassuddānaṁ
varagāma mahākapi bhaggava ca
daḷhadhamma sakuñjara kesavaro
urago vidhūro puna jāgarataṁ
atha kosalādhipa parantapa ca.
--------
Tatra vagguddānaṁ bhavati.
Atha sattanipātamhi vaggaṁ me bhaṇato suṇa
kukku ca puna gandhāro dve ca vuttā mahesinā.
Sattakanipātaṁ niṭṭhitaṁ.
----------
Aṭṭhakanipātajātakaṁ
1 kaccānivaggo
1 kaccānijātakaṁ

[1121] Odātavatthā suci allakesā
kaccāni kiṁ kumbhimadhissayitvā 1
piṭṭhā tilā dhovasi taṇḍulāni
tilodano hehiti kissa hetu.

[1122] Na kho ayaṁ brāhmaṇa bhojanatthaṁ 2
tilodano hehiti sādhupakko
dhammo mato tassa pahūnamajja 3
ahaṁ karissāmi susānamajjhe.

[1123] Anuvicca kaccāni karohi kiccaṁ
dhammo mato ko nu tavetasaṁsi 4
sahassanetto atulānubhāvo
na miyyatī dhammavaro kadāci.

[1124] Daḷhappamāṇaṁ mama ettha brahme
dhammo mato natthi mamettha kaṅkhā
ye yevadāni pāpā bhavanti
1 Yu. kumbhimapassayitvā. 2 Sī. Ma. bhojanatthā. 3 Sī. pahūtamajja.
Ma. pahuttamajja. Yu. bahūtamajja. 4 Ma. tveva saṁsi.
Te tevadāni sukhitā bhavanti.
Suṇisā hi mayhaṁ vajjhā ahosi
sā maṁ vadhitvāna vijāyi puttaṁ
sādāni sabbassa kulassa issarā
ahaṁ vasāmi 1 apaviṭṭhā ekikā.

[1125] Jīvāmi vohaṁ na matohamasmi 2
taveva atthāya idhāgatosmi
yā taṁ vadhitvāna vijāyi puttaṁ
sahāva puttena karomi bhasmaṁ.

[1126] Evañca te ruccati devarāja
mameva atthāya idhāgatosi
ahañca putto suṇisā ca nattā
sammodamānā gharamāvasema.