[1077] Kanditena have brahme mato peto samuṭṭhahe
sabbe saṅgamma rodāma aññamaññassa ñātake.

[1078] Ādittaṁ vata maṁ santaṁ ghatasittaṁva pāvakaṁ
vārinā viya osiñci 1 sabbaṁ nibbāpaye daraṁ.
Abbūḷhaṁ 2 vata me sallaṁ yamāsi hadayassitaṁ
yo me sokaparetassa puttasokaṁ apānudi.
Sohaṁ abbūḷhasallosmi vītasoko anāvilo
na socāmi na rodāmi tava sutvāna vāsavāti.
Somadattajātakaṁ pañcamaṁ.
--------
6 Susīmajātakaṁ

[1079] Kāḷāni kesāni pure ahesuṁ
jātāni sīsamhi yathāpadese
tānijja 3 setāni susīma disvā
dhammaṁ cara brahmacariyassa kālo.

[1080] Mameva deva palitaṁ na tuyhaṁ
mameva sīsaṁ mama uttamaṅgaṁ
1 Ma. osiñcaṁ. 2 Ma. abbahī. 3 Ma. tānajja.
Atthaṁ karissanti musā abhāṇiṁ
ekāparādhaṁ khamatha 1 rājaseṭṭha.

[1081] Daharo tvaṁ dassanīyosi rāja
paṭhamuggato hosi yathā kalīro
rajjañca kārehi mamañca passa
mā kālikaṁ anudhāvi janinda.

[1082] Passāmi vohaṁ dahariṁ kumāriṁ
sāmaṭṭhapassaṁ sutanuṁ sumajjhaṁ
kālappallavāva 2 pavellamānā
palobhayantīva 3 naresu gacchati.

[1083] Tamena passāmi parena nāriṁ
āsītikaṁ nāvutikañca jaccā
daṇḍaṁ gahetvāna pavedhamānaṁ
gopāṇasībhaggasamaṁ carantaṁ 4 .

[1084] Sohaṁ tamevānuvicintayanto
eko sayāmi sayanassa majjhe
ahampi evaṁ iti pekkhamāno
gehe na rame 5 brahmacariyassa kālo.

[1085] Rajju vālambanī cesā yā gehe vasato rati
1 Ma. khama. 2 Sī. kālāpavālāva. Ma. kālappavāḷāva. 3 Yu. sā lobhayantīva.
4 Ma. gopānasībhoggasamaṁ carantiṁ. 5 Ma. na gahe rame.
Etaṁpi chetvāna vajanti dhīrā
anapekkhino kāmasukhaṁ pahāyāti.
Susīmajātakaṁ chaṭṭhaṁ.
--------
7 Koṭasimbalijātakaṁ

[1086] Ahaṁ dasasatabyāmaṁ uragamādāya āgato
tañca mañca mahākāyaṁ dhārayaṁ nappavedhasi.