[1087] Athimaṁ khuddakaṁ pakkhiṁ appamaṁsataraṁ mayā
dhārayaṁ byathasi bhīto 1 kimatthaṁ 2 koṭasimbali 3 .

[1088] Maṁsabhakkho tuvaṁ rāja phalabhakkho ayaṁ dijo
ayaṁ nigrodhavījāni milakkhudumbarāni ca
assatthāni ca bhakkhetvā 4 khandhe me odahissati.

[1089] Te rukkhā saṁvirūhanti mama passe nivātajā
te maṁ pariyonaddhissanti arukkhaṁ maṁ karissare.

[1090] Santi aññepi rukkhāse mūlino khandhino dumā
iminā sakuṇajātena vījamāharitvā hatā.

[1091] Ajjhārūhā hi 5 vaḍḍhanti brahantaṁpi vanappatiṁ
tasmā rāja pavedhāmi sampassaṁ nāgataṁ bhayaṁ.

[1092] Saṅkeyya saṅkitabbāni rakkheyyānāgataṁ bhayaṁ
1 Ma. bhītā. 2 Ma. kamatthaṁ. 3 Sī. Yu. koṭisimbali. 4 Ma. bhakkhitvā.
5 Ma. ajjhārūhābhivaḍḍhanti. Sī. Yu. ajjhārūḷhābhivaḍuḍhanti.
Anāgatabhayā dhīro ubho loke avekkhatīti.
Koṭasimbalijātakaṁ sattamaṁ.
----------
8 Dhūmakārijātakaṁ

[1093] Rājā apucchi vidhūraṁ dhammakāmo yudhiṭṭhilo
api brāhmaṇa jānāsi ko eko bahu socati.

[1094] Brāhmaṇo ajayūthena bahutendo 1 vane vasaṁ
dhūmaṁ akāsi vāseṭṭho rattindivamatandito.

[1095] Tassa taṁdhūmagandhena sarabhā makasadditā 2
vassāvāsaṁ upagacchuṁ dhūmakārissa santike.

[1096] Sarabhesu manaṁ katvā ajā so nāvabujjhatha
āgacchanti vajanti vā tassa tā vinasuṁ 3 ajā.