[1157] Addasaṁ kāma te mūlaṁ saṅkappā kāma jāyasi
na taṁ saṅkappayissāmi evaṁ kāma na hehisi.

[1158] Appāpi kāmā na alaṁ bahūhipi na tappati
aho bālānalapanā 3 paṭivajjetha 4 jaggato.
1 Yu. surinītena. 2 Ma. medininti. 3 Sī. Ma. ahahā bālalapanā.
4 Ma. parivajjetha Sī. Yu. paṭivijjhetha.

[1159] Appassa kammassa phalaṁ mamedaṁ
udayo ajjhagamā mahattapattaṁ
suladdhalābho vata māṇavassa
yo pabbaji kāmarāgaṁ pahāya.

[1160] Tapasā pajahanti pāpakammaṁ
tapasā nhāpitakujjhakārabhāvaṁ 1
tapasā abhibhuyya gaṅgamāla
nāmenālapasijja brahmadattaṁ.

[1161] Sandiṭṭhikameva amma passatha
khantisoraccassa yo 2 vipāko
so 3 sabbajanassa vandito ahu
taṁ vandāma sarājikā samaccā.

[1162] Mā kiñci avacuttha gaṅgamālaṁ
muninaṁ monapathesu sikkhamānaṁ
eso hi atari aṇṇavaṁ
yaṁ taritvā vicaranti 4 vītasokāti.
Gaṅgamālajātakaṁ pañcamaṁ.
---------
1 Ma. nhāpitakumbhakārabhāvaṁ. 2 Ma. ayaṁ. 3 Ma. yo. 4 Ma. caranti.
6 Cetiyarājajātakaṁ

[1163] Dhammo have hato hanti nāhato hanti kiñcinaṁ 1
tasmā hi dhammaṁ na hane mā taṁ 2 dhammo hato hani.

[1164] Alikaṁ bhāsamānassa apakkamanti devatā
pūtikañca mukhaṁ vāti sakaṭṭhānā ca dhaṁsati
yo jānaṁ pucchito pañhaṁ aññathā naṁ viyākare
sace hi saccaṁ bhaṇasi hohi rāja yathā pure
musā ce bhāsase rāja bhūmiyaṁ tiṭṭha cetiya.

[1165] Akāle vassatī tassa kāle tassa na vassati
yo jānaṁ pucchito pañhaṁ aññathā naṁ viyākare
sace hi saccaṁ bhaṇasi hohi rāja yathā pure
musā ce bhāsase rāja bhūmiṁ pavisa cetiya.

[1166] Jivhā tassa dvidhā hoti uragasseva disampati
yo jānaṁ pucchito pañhaṁ aññathā naṁ viyākare
sace hi saccaṁ bhaṇasi hohi rāja yathā pure
musā ce bhāsase rāja bhiyyo pavisa cetiya.