[1207] Parisaṅkupatho nāma gijjhapatho 1 sanantano
tatrāsi mātāpitaro gijjho posesi jiṇṇake.

[1208] Tesaṁ ajagaraṁ medaṁ accahāsi bahutaso 2
pitā ca puttaṁ avaca jānaṁ uccaṁ papātinaṁ
supattaṁ pakkhasampannaṁ 3 tejasiṁ dūragāminaṁ.

[1209] Pariplavantaṁ paṭhaviṁ yadā tāta vijānahi
sāgarena parikkhittaṁ cakkaṁva parimaṇḍalaṁ
tato tāta nivattassu māssu etto paraṁ gami.

[1210] Udapattosi 4 vegena balī pakkhī dijuttamo
olokayanto vaṅkaṅgo pabbatāni vanāni ca.

[1211] Addasa paṭhaviṁ gijjho yathāssāsi pitussutaṁ
sāgarena parikkhittaṁ cakkaṁva parimaṇḍalaṁ.

[1212] Tañca so samatikkamma parameva pavattatha 5
tañca vātasikhā tikkhā accahāsi baliṁ dijaṁ.

[1213] Nāsakkhātigato poso punadeva nivattituṁ
dijo byasanamāpādi verabbhānaṁ 6 vasaṁ gato.
1 Ma. gijjhapantho. 2 Sī. pahuttato. Ma. bahuttaso. 3 Ma. thāmasampannaṁ.
4 Sī. uddhaṁ pattosi. 5 Ma. paramevaccavattatha. 6 Ma. verambhānaṁ. Sī. Yu.
verambānaṁ.

[1214] Tassa puttā ca dārā ca ye caññe anujīvino
sabbe byasanamāpāduṁ anovādakare dije.

[1215] Evampi idha vuḍḍhānaṁ yo vākyaṁ nāvabujjhati
atisīmacaro ditto gijjho vātītasāsano
sabbe byasanaṁ papponti 1 akatvā vuḍḍhasāsananti.
Gijjhajātakaṁ paṭhamaṁ.
--------
2 Kosambiyajātakaṁ

[1216] Puthusaddo samajano na bālo koci maññatha
saṅghasmiṁ bhijjamānasmiṁ nāññaṁ bhiyyo amaññaruṁ.